ແມ່ນເນື້ອໃນທີ່​ທ່ານ ໂລ​ເລີມ, ເລຂາທິການໃຫຍ່ຄະ​ນະ​ບໍ​ລິ​ຫານງ​ານ​ສູນ​ກາງ​ພັກ​ກອມ​ມູ​ນິດ ຫວຽດ​ນາມ, ປະທານປະເທດ ຫວຽດ​ນາມ ແລະ ​ທ່ານ Guy Parmelin, ປະທານາທິບໍດີ ສະວິດ ໄດ້ເຫັນດີເປັນເອກະພາບໃນການພົບປະສົນ​ທະ​ນາ​ທີ່​ຈັດ​ຂຶ້ນໃນຕອນບ່າຍວັນທີ 17 ຕຸລາ, ​ພາຍ​ຫຼັງພິທີຕ້ອນຮັບຢ່າງເປັນທາງການຢູ່ ຮ່າໂນ້ຍ.

ທີ່ການພົບປະສົນ​ທະ​ນາ, ທ່ານເລຂາທິການໃຫຍ່, ປະ​ທານ​ປະ​ເທດ ໂຕເລີມ ຢືນຢັນວ່າ ຫວຽດນາມ ຍາມໃດ ຫວຽດ​ນາມ ກໍ່ໃຫ້ຖື​ການພົວພັນ​ຄູ່​ຮ່ວມ​ມື​ຮອບ​ດ້ານກັບ ສະວິດ ເປັນ​ສຳ​ຄັນ ແລະ ປາ​ດ​ຖະ​ໜາວ່າ ສອງປະເທດຈະສືບຕໍ່ຮ່ວມເດີນ​ທາງ, ​ພ້ອມ​ກັນພັດທະນາ, ປະກອບສ່ວນເຂົ້າໃນສັນຕິພາບ, ສະຖຽນລະພາບ ແລະ ການພັດທະນາ​ຢູ່ພາກພື້ນ.

ສ່ວນທ່ານປະທານາທິບໍດີ Guy Parmelin ຢືນຢັນວ່າ ເລື່ອງ ຫວຽດ​ນາມ ແລະ ສະ​ວິດ ແລະ ບັນ​ດາ​ປະ​ເທດ EFTA ລົງນາມໃນສັນຍາການຄ້າເສລີ ຈະເປັນໂອ​ກາດ​ທີ່​ດີໃຫ້ແກ່ວິສາຫະກິດຄົ້ນຫາທ່າແຮງການຮ່ວມມືໃນອະນາຄົດ, ພິ​ເສດ​ເມື່ອມີບໍລິສັດ ສະວິດ ກວ່າ 100 ແຫ່ງມີ​ໜ້າຢູ່ ຫວຽດນາມ ແລ້ວ.

ເນື່ອງ​ໃນໂອກາດນີ້, ການ​ນຳ​ສອງ​ທ່ານໄດ້ເປັນສັກຂີພະຍານໃນພິທີ​ແລກ​ປ່ຽນເອກະສານຮ່ວມມື​ຈຳ​ນວນ​ໜຶ່ງລະຫວ່າງບັນດາກະຊວງ, ຂະ​ແໜງ​ການໃນ​ບັນ​ດາຂົງເຂດ, ຄື: ແຮງງານ, ວິທະຍາສາດ ເຕັກໂນໂລຊີ, ການຄ້າ ແລະ ພັດທະນາຕົວເມືອງ.

ຕອນ​ຄ່ຳ​ວັນດຽວກັນ, ທີ່ ຮ່າໂນ້ຍ, ທ່ານເລຂາທິການໃຫຍ່, ປະທານປະເທດ ໂຕເລີມ ພ້ອມ​ກັບພັນລະຍາ ໄດ້ເປັນ​ປະ​ທານງານລ້ຽງຕ້ອນຮັບ​ທ່ານປະທານາທິບໍດີສະວິດ Guy Parmelin ແລະ ພັນລະຍາ. ກ່າວຄຳເຫັນທີ່ງານລ້ຽງ, ທ່ານເລຂາທິການໃຫຍ່, ປະທານປະເທດ ໂຕເລີມ ເນັ້ນໜັກວ່າ:

“ຫວຽດນາມ ປາດ​ຖະ​ໜາວ່າຈະ​ພ້ອມ​ກັບ ສະ​ວິດ ສ້າງບັນ​ດາ​ບາດ​ກ້າວໃໝ່ ໃນການຮ່ວມມືດ້ານວິທະຍາສາດ - ເຕັກໂນໂລຊີ, ນະວັດຕະກໍາ ແລະ ບຳ​ລຸງ​ສ້າງ​ແຫຼ່ງຊັບພະຍາກອນມະນຸດທີ່ມີຄຸນນະພາບສູງ; ​ພ້ອມ​ກັນ ປະກອບສ່ວນຢ່າງ​ຕັ້ງ​ໜ້າກວ່າ​ໃຫ້​ແກ່​ການຮັກສາສັນຕິພາບ, ສະຖຽນລະພາບ ແລະ ແກ້ໄຂບັນ​ດາ​ສິ່ງທ້າທາຍ​ລວມ.”