ທີ່ການຕ້ອນຮັບ ທີ່ປຶກສາພິເສດຂອງນາຍົກລັດຖະມົນຕີ ຍີ່ປຸ່ນ Kawai Katsuyuki ເຊິ່ງໄດ້ດຳເນີນໃນຕອນແລງວັນທີ 18 ກໍລະກົດ

(ທ່ານນາຍົກລັດຖະມົນຕີຫງວຽນຊວນຟຸກຕ້ອນຮັບທີ່ປຶກສາພິເສດຂອງນາຍົກລັດຖະມົນຕີ ຍີ່ປຸ່ນ)

      ທ່ານນາຍົກລັກຖະມົນຕີ ຫວຽດນາມ ຫງວຽນຊວນຟຸກ ໄດ້ຮັບຮູ້ ແລະ ຊ່ວຍໜູນ ຍີ່ປຸ່ນ ຢ່າງຕັ້ງໜ້າໃນການຜັນຂະຫຍາຍບັນດາໂຄງການລົງທຶນຈຸດສຸມ ທາງດ້ານພະລັງງານ, ຄົມມະນາຄົມ ຢູ່ຫວຽດນາມ ຢ່າງສະດວກສະບາຍໂດຍໄວ, ພ້ອມທັງໃຫ້ຮູ້ວ່າ ຫວຽດນາມ ຈະແກ້ໄຂທຸກຂໍ້ຫຍຸ້ງຍາກ, ສິ່ງທີ່ຄົງຄ້າງໃນການປະຕິບັດບັນດາຂໍ້ຕົກລົງທີ່ ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ທ່ານນາຍົກລັດຖະມົນຕີ ຍີປຸ່ນ Shinzo Abe ໄດ້ເປັນເອກະພາບກັນ. ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ກໍ່ໄດ້ຢັ້ງຢືນວ່າ: ຫວຽດນາມ ຊົມເຊີຍບັນດາຄວາມມານະພະຍາຍາມຂອງ ຍີ່ປຸ່ນ ແນ່ໃສ່ຮັກສາເສລີພາບ, ຄວາມໝັ້ນຄົງ, ຄວາມປອດໄພໃນການເດີນທະເລໃນພາກພື້ນ ບົນພື້ນຖານການຮັບປະກັນຄວາມເຄົາລົບກົດໝາຍສາກົນ. ຫວຽດນາມ ປາຖະໜາຢາກຮ່ວມມືກັບ ຍີ່ປຸ່ນ ເພື່ອຊຸກຍູ້ສັນຍາ TPP; ເພີ່ມທະວີການຮ່ວມມືໃນຂົງເຂດ ປ້ອງກັນຊາດ, ປ້ອງກັນຄວາມສະຫງົບ.

(ແຫຼ່ງຄັດຈາກ VOV)