ຂ່າວສານ

ນັກຮຽນຮູ້ລັດເຊຍ ຕີລາຄາສູງບັນດາບາດກ້າວກະໂດດຂັ້ນຂອງຫວຽດນາມ

04/09/2020

ສາດສະດາຈານ ປອ Vladimia Kolotov ຜູ້ອຳນວຍການສະຖາບັນໂຮ່ຈີມິນ ສັງກັດມະຫາວິທະຍາໄລສັບພະວິຊາແຫ່ງຊາດ Saint Peterburg ຕີລາຄາວ່າ ພາຍຫລັງການປະຕິວັດເດືອນສິງຫາ ແລະວັນຊາດຫວຽດນາມ ທີ 2 ກັນຍາປີ 1945, ຫວຽດນາມ ບັນລຸໄດ້ຜົນງານອັນສະຫງ່າລາສີ ຫລາຍຢ່າງ.

ສາດສະດາຈານ ປອ Vladimia Kolotov (ພາບ: Vietnam+)

ປະຈຸບັນຫວຽດນາມແມ່ນປະເທດ ມີອະທິປະໄຕ, ສະເຫມີຕົ້ນສະເຫມີປາຍໃນການປົກປ້ອງຜົນປະໂຫຍດແຫ່ງຊາດ ແລະມີພື້ນຖານເສດຖະກິດພວມພັດທະນາຢ່າງວ່ອງໄວ ແລະມີອິດທິພົນຊື່ສຽງບົນເວທີສາກົນ. ໃນຂະນະນັ້ນ ສາດສະດາຈານ ປອ V. Mazyrin ຫົວຫນ້າສູນຄົ້ນຄ້ວາກ່ຽວກັບຫວຽດນາມ ແລະ ອາຊຽນ ສັງກັດສະຖາບັນຕາເວັນອອກໄກ ໄດ້ຕີລາຄາສູງບັນດາໝາກຜົນດ້ານເສດຖະກິດຂອງຫວຽດນາມ ດ້ວຍການໃຫ້ຂໍ້ສັງເກດວ່າ ຫວຽດນາມ ລອດເຂົ້າ Top 20 ປະເທດມີພື້ນຖານເສດຖະກິດພັດທະນາຢ່າງວ່ອງໄວກວ່າໝູ່ໃນໂລກ. ທ່ານກໍ່ເນັ້ນຫນັກວ່າ ຫວຽດນາມແມ່ນແບບຢ່າງ ກ່ຽວກັບປະເທດພັດທະນາກະໂດດຂັ້ນເມື່ອໄປທັດທຽມກັບບັນດາປະເທດພັດທະນາກວ່າໃນພາກພື້ນ ແລະໃນໂລກເວົ້າລວມ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.