ຂ່າວສານ
ນະຄອນ ໂຮ່ຈີມິນ ພ້ອມແລ້ວທີ່ຈະຊ່ວຍເຫຼືອບັນດາແຂວງພາກຕາເວັນຕົກ ປ້ອງກັນ, ສະກັດກັ້ນໂລກລະບາດໂຄວິດ - 19
ນັ້ນແມ່ນຄຳຊີ້ນຳຂອງທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ເຈືອງຮວ່າບິ່ງ ເມື່ອການກວດກາວຽກງານປ້ອງກັນ, ສະກັດກັ້ນໂລກລະບາດໂຄວິດ - 19 ໃນບໍລິເວນນະຄອນ ໂຮ່ຈີມິນ ໃນຕອນເຊົ້າວັນທີ 28 ເມສາ. ນະທີ່ນີ້, ທ່ານຮອງນາຍົກລັດຖະມົນຕີ ເຈືອງຮວ່າບິ່ງ ຕີລາຄາສູງໝາກຜົນຂອງນະຄອນ ໂຮ່ຈີມິນ ໃນວຽກງານປ້ອງກັນ, ສະກັດກັ້ນໂລກລະບາດ ໂຄວິດ - 19 ພ້ອມທັງຮຽກຮ້ອງໃຫ້ນະຄອນ ຈົ່ງຍົກສູງສະຕິລະວັງຕົວ, ຍົກສູງກຳລັງຄວາມສາມາດໃນການແຍກຕົວ, ກຽມພ້ອມຊ່ວຍເຫຼືອທ້ອງຖິ່ນຕ່າງໆ, ໃນນັ້ນ ມີບັນດາແຂວງເຂດຊາຍແດນ ທາງທິດຕາເວັນຕົກພາກໃຕ້; ຍູ້ແຮງການເຄື່ອນໄຫວກວດກາວຽກງານປ້ອງກັນ, ສະກັດກັ້ນໂລກລະບາດ ແລະ ປັບໄໝບັນດາກໍລະນີບໍ່ໃຊ້ຜ້າອັດປາກອັດດັງ, ອົງການ ຫຼື ສ່ວນບຸກຄົນເຂົ້າເມືອງຜິດກົດໝາຍຢ່າງເຂັ້ມງວດ.
(ແຫຼ່ງຄັດຈາກ VOV)
