ຂ່າວສານ

ທ່ານຮອງນາຍົກລັດຖະມົນຕີ ຫງວຽນຈີຢຸງ: ຫວຽດນາມ ສະແດງຄວາມຍິນດີຕໍ່ວິສາຫະກິດລົງທຶນພັດທະນາຕົວເມືອງອັດສະລິຍະ

17/07/2025

ທ່ານຮອງນາຍົກລັດຖະມົນຕີ ຫງວຽນຈີຢຸງ ສະແດງຄວາມຍິນດີຕໍ່ບັນດາວິສາຫະກິດທີ່ມີຄວາມສົນໃຈ ແລະ ມີແຜນການລົງທຶນ, ດຳເນີນທຸລະກິດຢູ່ ຫວຽດນາມ, ພິເສດແມ່ນໃນຂົງເຂດພັດທະນາຕົວເມືອງອັດສະລິຍະ.

ການຕ້ອນຮັບ (ພາບ: VOV1)

ຕອນບ່າຍວັນທີ 16 ກໍລະກົດ, ທີ່ການຕ້ອນຮັບທ່ານ Fung Wai Ka Thomas ຜູ້ອຳນວຍການບໍລິສັດພື້ນຖານໂຄງລ່າງ CCC ແລະ ທ່ານ Lai Rong Huo ປະທານກຸ່ມບໍລິສັດ Hero Shenzhen (ຈິນ), ທ່ານຮອງນາຍົກລັດຖະມົນຕີ ຫງວຽນຈີຢຸງ ສະແດງຄວາມຍິນດີຕໍ່ບັນດາວິສາຫະກິດທີ່ມີຄວາມສົນໃຈ ແລະ ມີແຜນການລົງທຶນ, ດຳເນີນທຸລະກິດຢູ່ ຫວຽດນາມ, ພິເສດແມ່ນໃນຂົງເຂດພັດທະນາຕົວເມືອງອັດສະລິຍະ. ຕາມທ່ານຮອງນາຍົກລັດຖະມົນຕີ ຫງວຽນຈີຢຸງແລ້ວ, ບັນດາວິສາຫະກິດອາດສາມາດຄົ້ນຄ້ວາເຂົ້າຮ່ວມພ້ອມກັບ ຫວຽດນາມ ໃນເນື້ອໃນວຽກງານຈຳນວນໜຶ່ງຄື: ໜູນຊ່ວຍດ້ານການເງິນ ແລະ ເຕັກນິກໃຫ້ແກ່ບັນດາໂຄງການທົດລອງ, ການຮ່ວມມືຄົ້ນຄ້ວາ, ຖ່າຍທອດເຕັກໂນໂລຢີການຄຸ້ມຄອງບໍລິຫານ, ການຮ່ວມມືບຳລຸງສ້າງແຫຼ່ງຊັບພະຍາກອນມະນຸດ. ທ່ານຮອງນາຍົກລັດຖະມົນຕີ ຢັ້ງຢືນ ລັດຖະບານ ຫວຽດນາມ ຈະຮ່ວມເດີນທາງ, ໜູນຊ່ວຍ ແລະ ສ້າງເງື່ອນໄຂສະດວກທີ່ສຸດໃຫ້ແກ່ບັນດາວິສາຫະກິດຈີນ ເວົ້າລວມ ແລະ ບໍລິສັດພື້ນຖານໂຄງລ່າງ CCC, ກຸ່ມບໍລິສັດ Hero Shenzhen ເວົ້າສະເພາະມາລົງທຶນດຳເນີນທຸລະກິດຢ່າງມີປະສິດທິຜົນຢູ່ ຫວຽດນາມ.

(ແຫຼ່ງຄັດຈາກ VOV)

ໄຂງານຕັ້ງຄ້າຍພັກແລ້ງ ຫວຽດນາມ 2025: ພ້ອມກັນຂຽນຕໍ່ເລື່ອງລາວສັນຕິພາບ

17/07/2025
ຂ່າວສານ

ຕອນຄ່ຳວັນທີ 16 ກໍລະກົດ, ຢູ່ຫໍພິພິທະພັນໂລກ ກາເຟ ຢູ່ຕາແສງ ບວນມາທວດ, ແຂວງ ດັກລັກ, ໄດ້ດຳເນີນພິທີໄຂງານຕັ້ງຄ້າຍພັກແລ້ງ ຫວຽດນາມ 2025, ເລີ່ມຕົ້ນວິວັດການກ່ຽວກັບກົກເຄົ້າເຫງົ້າກໍ, ຜູກພັນໄວໜຸ່ມຊາວຫວຽດນາມ ອາໄສຢູ່ຕ່າງປະເທດ ກັບບ້ານເກີດເມືອງນອນ.