ຂ່າວສານ
ທ່ານປະທານສະພາແຫ່ງຊາດ ເວືອງດິ່ງເຫວ້ ອວຍພອນທ່ານປະທານສະພາຕ່ຳ, ສະພາສູງ ອົດສະຕາລີ ເນື່ອງໃນໂອກາດວັນຊາດ
ເນື່ອງໃນໂອກາດຂ່ຳນັບຮັບຕ້ອນວັນຊາດອົດສະຕາລີ ຄົບຮອບ 234 ປີ (26/1/1788 – 26/1/2022), ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ໄດ້ສົ່ງສານອວຍພອນໄປຍັງທ່ານປະທານສະພາຕ່ຳ Andrew Wallace ແລະ ທ່ານປະທານສະພາສູງ Slade Brockman.
ໃນສານອວຍພອນ, ທ່ານປະທານສະພາແຫ່ງຊາດ ເວືອງດິ່ງເຫວ້ ສະແດງຄວາມປິຕິຊົມຊື່ນ ເມື່ອເຫັນວ່າການພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ - ອົດສະຕາລີໃນໄລຍະຜ່ານມາໄດ້ຮັບການຮັກສາ ແລະ ພັດທະນາຢ່າງດີງາມ. ການພົວພັນຮ່ວມມືລະຫວ່າງສະພາແຫ່ງຊາດ ຫວຽດນາມ ກັບ ສະພາຕ່ຳ ແລະ ສະພາສູງ ອົດສະຕາລີ ສືບຕໍ່ພັດທະນາບົນພື້ນຖານຂໍ້ຕົກລົງຮ່ວມມືທີ່ໄດ້ລົງນາມລະຫວ່າງສະພາແຫ່ງຊາດຫວຽດນາມ ກັບ ລັດຖະສະພາ ອົດສະຕາລີປີ 2013. ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫວ້ ຢັ້ງຢືນວ່າພ້ອມແລ້ວທີ່ຈະຮ່ວມມືພ້ອມກັບທ່ານປະທານສະພາຕ່ຳ ແລະ ສະພາສູງ ອົດສະຕາລີ ນຳການພົວພັນຮ່ວມມືລະຫວ່າງສະພາແຫ່ງຊາດ ຫວຽດນາມ ແລະ ລັດຖະສະພາສອງປະເທດໃຫ້ສົມກັບການພົວພັນຄູ່ຮ່ວມມືຍຸດທະສາດ ຫວຽດນາມ - ອົດສະຕາລີ ເພື່ອຜົນປະໂຫຍດລວມຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ, ຮ່ວມມື, ພັດທະນາຢູ່ພາກພື້ນ ແລະ ໃນໂລກ.
(ແຫຼ່ງຄັດຈາກ VOV)
