ທ່ານນາຍົກລັດຖະມົນຕີຫງວຽນຊັວນຝຸກຕ້ອນຮັບເອກອັກຄະລັດຖະທູດ, ຫົວໜ້າຜູ້ຕາງໜ້າສະຫະພາບເອີລົບປະຈຳຫວຽດນາມ 

ນະທີ່ນິ້, ທ່ານນາຍົກລັດຖະມົນຕີຫງວຽນຊັວນຝຸກ ໄດ້ຕີລາຄາສູງບັນດາການປະກອບສ່ວນອັນຕັ້ງໜ້າ ແລະ ມີປະສິດທິຜົນຂອງທ່ານເອກອັກຄະລັດຖະທູດໃນການເພີ່ມທະວີ, ເຮັດໃຫ້ການພົວພັນມິດຕະພາບ ແລະ ການຮ່ວມມືຮອບດ້ານລະຫວ່າງຫວຽດນາມ-ອີຢູ ເລິກເຊິ່ງຂຶ້ນຕື່ມ, ພົ້ນເດັ່ນແມ່ນເລື່ອງສອງຝ່າຍໄດ້ລົງນາມໃນສັນຍາການຄ້າເສລີຫວຽດນາມ-ອີຢູ (EVFTA)  ຢ່າງເປັນທາງການ ແລະ ສັນຍາອາລັກຂາການລົງທຶນ (EVIPA) ໃນເດືອນມິຖຸນາທີ່ຜ່ານມາ. ວົງເງິນການຄ້າສອງຝ່າຍບັນລຸກ່ວາ 56 ຕື້ USD ໃນປີ 2018. ບັນດາບໍລິສັດເອີລົບ ມີກ່ວາ 2000 ໂຄງການລົງທຶນທີ່ມີມູນຄ່າປະມານ 25 ຕື້ USD ຢູ່ຫວຽດນາມ.

  ທ່ານນາຍົກລັດຖະມົນຕີຫງວຽນຊັວນຝຸກ ເຊື່ອໝັ້ນວວ່າ, ເຖິງວ່າໃນຖານະຕຳແໜ່ງໃດກໍ່ຕາມ ທ່ານເອກອກຄະລັດຖະທູດຍາມໃດກໍ່ແມ່ນເພື່ອນຜູ້ທີ່ດີ, ສະໜັບສະໜູນຫວຽດນາມ ແລະ ສືບຕໍ່ເພີ່ມພູນຄູນສ້າງນ້ຳໃຈມິດຕະພາບ ແລະການພົວພັນອັນດີງາມລະຫວ່າງຫວຽດນາມ-ອີຢູ.

  ສ່ວນທ່ານເອກອກຄະລັດຖະທູດ Bruno Angetlet ໃຫ້ຮູ້ວ່າ: ທ່ານໄດ້ເປັນສັກຂີພິຍານການປ່ຽນແປງໃໝ່ອັນໃຫ່ຍຫຼວງຂອງຫວຽດນາມ ແລະ ຕີລາຄາວ່າ ແງ່ຫວັງການພັດທະນາຂອງຫວຽດນາມ ແມ່ນດີງາມທີ່ສຸດ. ທ່ານຖືວ່າ, ໃນໄລຍະຈະມາເຖິງ ສອງຝ່າຍຈະພ້ອມກັນສຸມໃສ່ຊຸກຍູ້ບັນດາໂຄງການ, ຂອບເຂດການຮ່ວມມືທີ່ໄດ້ລົງນາມແລ້ວ. ອີຢູ ປາດຖະໜາຢາກຮ່ວມມືກັບຫວຽດນາມ ໃນຫຼາຍຂົງເຂດຕ່າງກັນ, ນັບທັງດ້ານເສດຖະກິດ, ການຄ້າ ແລະ ການໜູນຊ່ວຍຍຸດທະສາດການເຊື່ອມໂຍງເຂົ້າກັບສາກົນຂອງຫວຽດນາມ.

(ແຫຼ່ງຄັດຈາກ VOV)