ຂ່າວສານ

ທ່ານນາຍົກລັດຖະມົນຕີພົບປະກັບຄະນະນັກຮົບປະຕິວັດທີ່ຖຶກສັດຕູຈັບຄຸ້ມຂັງ

27/12/2019

ວັນທີ 26 ທັນວາ, ທີ່ການຕ້ອນຮັບຄະນະນັກຮົບປະຕິວັດທີ່ຖຶກສັດຕູຈັບຄຸ້ມຂັງກ່ອນນີ້ນະຄອນຫ໋າຍຟອງ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ຢັ້ງຢືນວ່າ ພ້ອມກັບການເອົາໃຈໃສ່ເຂົ້າການພັດທະນາເສດຖະກິດ, ພັກ, ລັດຍາມໃດກໍ່ເອົາໃຈໃສ່ເຖິງການຮັບປະກັນຊີວິດສັງຄົມ, ເອົາໃຈໃສ່ເຖິງບັນດາຜູ້ທີ່ມີຄຸນງາມຄວາມດີຕໍ່ການປະຕິວັດ, ຄອບຄົວນະໂຍບາຍ.

ທ່ານນາຍົກລັດຖະມົນຕີ ຫງວຽນຊວັນຟຸກ ພົບປະກັບ ນັກຮົບປະຕິວັດ (ພາບ: TTXVN)

ທ່ານນາຍົກລັດຖະມົນຕີ ສະເໜີໃຫ້ການນຳ ແລະ ອົງການທີ່ມີສິດອຳນາດຕ້ອງສືບຕໍ່ເອົາໃຈໃສ່ເຖິງການໜູນຊ່ວຍບັນດາຄອບຄົວນະໂຍບາຍ, ຜູ້ມີຄຸນງາມຄວາມດີຕໍ່ການປະຕິວັດ, ທະຫານເຈັບປ່ວຍ, ທະຫານເສຍອົງຄະ… ໃຫ້ຫຼາຍກ່ວາອີກ. ທ່ານນາຍົກລັດຖະມົນຕີ ມີຄວາມປາດຖະໜາວ່າ ບັນດານັກຮົບປະຕິວັດຈະສືບຕໍ່ຮັກສາຈິດໃຈປະຕິວັດ, ເປັນແບບຢ່າງທີ່ດີໃຫ້ ຄອບຄົວ, ລູກຫຼານປະຕິບັດຕາມ, ຕັ້ງໜ້າເຂົ້າຮ່ວມບັນດາຂະບວນການຢູ່ທ້ອງຖິ່ນ, ຮັກສາວັດທະນະທຳ, ມູນເຊື້ອເພື່ອປະກອບສ່ວນສ້າງຕັ້ງ ຄຸ້ມເມືອງ, ໝູ່ບ້ານ, ຕາແສງວັດທະນະທຳ, ປະກອບສ່ວນເຂົ້າການພັດທະນາບ້ານເກີດເມືອງນອນ, ປະເທດຊາດ ຢ່າງແຮງ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.