ດ້ວຍການຊີ້ນຳຂອງກະຊວງການຕ່າງປະເທດຫວຽດນາມ, ການສົມທົບລະຫວ່າງສະຖານທູດຫວຽດນາມ ປະຈຳ ອາເມລິກາ ແລະ ບັນດາອົງການທີ່ມີສ່ວນກ່ຽວຂ້ອງຢູ່ພາຍໃນ ແລະ ຕ່າງປະເທດ, ບໍລິສັດການບິນຫວຽດນາມ (Vietnam Airlines) ຫາກໍ່ປະຕິບັດສຳເລັດຖ້ຽວບິນໂດຍກົງທຳອິດໄປຍັງ ອາເມລິກາ ໃນປີ 2021 ເພື່ອຮັບພົນລະເມືອງ ຫວຽດນາມ 240 ຄົນກັບເມືອປະເທດ. ຖ້ຽວບິນດັ່ງກ່າວມີໝາຍເລກ VN5 ດ້ວຍເຮືອບິນ Boeing 787-9 Dreamliner ໃນການເດີນທາງຈາກ ຮ່າໂນ້ຍ ໄປ Washington D.C ຜ່ານ Anchorage ລັດ Alaska, ປະເທດ ອາເມລິກາ ແລ້ວກັບເມືອຫວຽດນາມ. ໃນສະພາບໂລກລະບາດໂຄວິດ 19 ຍັງສັບສົນນັ້ນ, ບໍລະສັດການບິນຫວຽດນາມ ໄດ້ຜັນຂະຫຍາຍບັນດາມາດຕະການປ້ອງກັນ, ສະກັດກັ້ນໂລກລະບາດລະດັບ 4 ຊື່ງແມ່ນລະດັບສູງສຸດໃນລະບົບມາດຖານຄວາມປອດໄພໂຄວິດຂອງ Vietnam Airlines ເພື່ອຈຳກັດຄວາມສ່ຽງຕິດແປດໃນຖ້ຽວບິນຢູ່ໃນລະດັບຕ່ຳສຸດ. ນີ້ແມ່ນ 1 ໃນ 12 ຖ້ຽວບິນທີ່ Vietnam Airlines ໄດ້ຮັບໜັງສືອະນຸຍາດເມື່ອຕົ້ນເດືອນມິຖຸນາ ເພື່ອສົ່ງພົນລະເມືອງ ຫວຽດນາມ ຈາກ ອາມເລິກາ ກັບເມືອປະເທດໃນປີນີ້.
(ແຫຼ່ງຄັດຈາກ VOV)
