ຂ່າວສານ

ຊຸກຍູ້ການຮ່ວມມືດ້ານປ້ອງກັນຊາດ ລະຫວ່າງ ຫວຽດນາມ - ໄທ

21/02/2020

ຢູ່ນອກກອງປະຊຸມວົງແຄບ ລັດຖະມົນຕີກະຊວງປ້ອງກັນປະເທດບັນດາປະເທດ ອາຊຽນ (ວົງແຄບ ADMM) ຢູ່ຮ່າໂນ້ຍ, ຕອນບ່າຍວັນທີ 19 ກຸມພາ, ທ່ານພົນເອກ ໂງຊວັນລິກ, ລັດຖະມົນຕີກະຊວງປ້ອງກັນປະເທດ ຫວຽດນາມ, ໄດ້ໃຫ້ການຕ້ອນຮັບທ່ານພົນເອກ ໄຈຈານ ຊ້າງມົງຄົນ ຮອງລັດຖະມົນຕີກະຊວງປ້ອງກັນປະເທດໄທ. ..

ທ່ານພົນເອກ ໂງຊວັນລິກ, ລັດຖະມົນຕີກະຊວງປ້ອງກັນປະເທດ ຫວຽດນາມ, ໄດ້ໃຫ້ການຕ້ອນຮັບທ່ານພົນເອກ ໄຈຈານ ຊ້າງມົງຄົນ ຮອງລັດຖະມົນຕີກະຊວງປ້ອງກັນປະເທດໄທ (ພາບ: TTXVN)

ໂດຍສະແດງຄວາມພາກພູມໃຈຕໍ່ບັນດາບາດກ້າວພັດທະນາອັນດີງາມຂອງການພົວພັນດ້ານປ້ອງກັນຊາດລະຫວ່າງສອງປະເທດ, ທ່ານ ພົນເອກ ໂງຊວັນລິກ ແລະ ທ່ານພົນເອກ ໄຈຈານ ຊ້າງມົງຄົນ ໄດ້ເຫັນດີເປັນເອກະພາບວ່າ, ໃນໄລຍະຈະມາເຖິງສອງຝ່າຍຈະສືບຕໍ່ຜັນຂະຫຍາຍບັນດາເນື້ອໃນການຮ່ວມມືຄື: ແລກປ່ຽນຄະນະຜູ້ແທນ, ພົບປະແລກປ່ຽນນາຍທະຫານໜຸ່ມ, ໂອ້ລົມສົນທະນາດ້ານປ້ອງກັນຊາດ, ການຮ່ວມມືຄວາມໝັ້ນຄົງຢູ່ທະເລ...ຢ່າງຄົບຖ້ວນ ແລະ ມີປະສິດທິຜົນ.

ທີ່ການຕ້ອນຮັບ, ທ່ານ ພົນເອກໂງຊວັນລິກ ໄດ້ສົ່ງຄຳເຊື້ອເຊີນບັນດາວິສາຫະກິດດ້ານການທະຫານຂອງ ໄທ ມາເຂົ້າຮ່ວມງານວາງສະແດງສາກົນ ກ່ຽວກັບອຸປະກອນແລະ ອຸດສາຫະກຳດ້ານປ້ອງກັນຊາດທີ່ຈະຈັດຕັ້ງຢູ່ ຫວຽດນາມໃນໄລຍະຈະມາເຖິງ.

(ແຫຼ່ງຄັດຈາກ VOV)

ໄຊຊະນະ ດ້ຽນບຽນຝູ ສ້າງຂີດໝາຍອັນຍິ່ງໃຫຍ່ຂອງຍຸກສະໄໝ

08/05/2024
ຂ່າວສານ

ວັນທີ 07 ພຶດສະພາ, ຫວຽດນາມ ໄດ້ຈັດພິທີສະເຫຼີມສະຫຼອງວັນໄຊຊະນະ ດ້ຽນບຽນຝູ ຄົບຮອບ 70 ປີ (ວັນທີ 07 ພຶດສະພາ 1954 – 07 ພຶດສະພາ 2024) ຂຶ້ນຢ່າງສົມກຽດ, ເຊິ່ງເປັນໄຊຊະນະໄດ້ສ້າງຂີດໝາຍໃນປະຫວັດສາດໂລກ. ໄຊຊະນະ ດ້ຽນບຽນຝູ ບໍ່ພຽງແຕ່ຢັ້ງຢືນກຳລັງແຮງແຫ່ງຄວາມສາມັກຄີຂອງຊາດ ຫວຽດນາມ ເທົ່ານັ້ນ, ຫາກຍັງແມ່ນຈຸດເດັ່ນໃນປະຫວັດສາດປົດປ່ອຍຊາດໃນໂລກ, ແມ່ນແຫຼ່ງລະດົມກຳລັງໃຈຢ່າງໃຫຍ່ຫຼວງໃຫ້ແກ່ປະຊາຊາດທີ່ຮັກຫອມສັນຕິພາບ. ໄຊຊະນະ ດ້ຽນບຽນຝູ ຊຸກຍູ້ຂະບວນການປົດປ່ອຍຊາດທົ່ວໂລກບັນລຸໄດ້ໄຊຊະນະຢ່າງສົມບູນ.