ຕາມບົດລາຍງານທີ່ໄດ້ປະກາດໃນວັນທີ 15 ກຸມພາ, ອົງການສະຖິຕິເອີລົບ (Eurostat) ໃຫ້ຮູ້ວ່າ, ໃນປີຜ່ານມາ, ມູນຄ່າການຄ້າລະຫວ່າງ EU ແລະ ຈີນ ບັນລຸໄດ້ 586 ຕື້ ເອີໂຣ ( 711 ຕື້ USD), ໃນຂະນະນັ້ນ ຕົວເລກດັ່ງກ່າວກັບ ອາເມລິກາ ແມ່ນ 555 ຕື້ ເອີໂຣ (673 ຕື້ USD). ການສົ່ງອອກຂອງ EU ໄປຍັງ ຈີນໄດ້ເພີ່ມຂຶ້ນ 2,2% ຂຶ້ນເຖິງ 202,5 ຕື້ ເອີໂຣ, ໃນຂະນະນັ້ນການນຳເຂົ້າຈາກ ຈີນ ເພີ່ມຂຶ້ນ 5,6% ຂຶ້ນເຖິງ 383,5 ຕື້ ເອີໂຣ. ໃນຂະນະນັ້ນ, ການສົ່ງອອກຂອງ EU ໄປຍັງອາເມລິກາ ຫຼຸດລົງ 13,2% ແລະ ການນຳເຂົ້າຈາກ ອາເມລິກາ ກໍ່ຫຼຸດລົງ 8,2%.
ພື້ນຖານເສດຖະກິດ ຈີນ ຖືກຮັບຜົນສະທ້ອນຢ່າງໜັກໜ່ວງຈາກໂລກລະບາດໂຄວິດ - 19 ໃນໄຕມາດທີ 1 ປີ 2020 ແຕ່ໄດ້ຟື້ນຟູຢ່າງແຮງໃນທ້າຍປີຜ່ານມາ, ໝາກຜົນນີ້ ໄດ້ຊ່ວຍໃຫ້ຊຸກຍູ້ຕົວເລກທຸລະກິດຂອງບັນດາຜະລິດຕະພັນນຳເຂົ້າຈາກ ເອີລົບ ຢູ່ຈີນ. ໃນຂະນະນັ້ນ, EU ແລະ ຈີນ ກໍ່ພວມມຸ່ງໄປເຖິງຂໍ້ຕົກລົງການລົງທຶນເຊິ່ງ ອະນຸຍາດໃຫ້ບັນດາບໍລິສັດເອີລົບສຳຜັດກັບຕະຫຼາດຈີນຢ່າງງ່າຍດາຍກ່ວາ.
(ແຫຼ່ງຄັດຈາກ VOV)
