ຂ່າວສານ

ຄະນະປະຕິບັດງານສະພາແຫ່ງຊາດ ຢ້ຽມຢາມ ແລະ ອວຍພອນບຸນເຕັດ ພໍ່ແມ່ພີ່ນ້ອງບັນດາເຜົ່າຢູ່ແຂວງລາຍເຈົາ

15/01/2020

ຕອນບ່າຍວັນທີ 13 ມັງກອນ, ຄະນະປະຕິບັດງານຂອງສະພາແຫ່່ງຊາດຫວຽດນາມ ໂດຍທ່ານ ຟຸ່ງກວ໊ກຫຽນ ຮອງປະທານສະພາແຫ່ງຊາດຫວຽດນາມ ເປັນຫົວໜ້າຄະນະ ໄດ້ໄປຢ້ຽມຢາມ ແລະ ອວຍພອນບຸນເຕັດພໍ່ແມ່ພີ່ນ້ອງບັນດາເຜົ່າຢູ່ເມືອງ ນໍ້າຍຸ່ນ, ແຂວງລາຍເຈົາ ຂອງຫວຽດນາມ.

ທ່ານຮອງປະທານສະພາແຫ່ງຊາດ ຟຸ່ງກວ໊ກຫຽນ ຢ້ຽມຢາມ, ອວຍພອນບຸດເຕັດນັກຮົບຢູ່ຄ້າຍປ້ອງກັນຊາຍແດນ ຮົວບຸມ (ພາບ:TTXVN)

ຢູ່ຕາແສງຊາຍແດນ ຮົວບຸມ, ທ່ານຮອງປະທານສະພາແຫ່ງຊາດ ຟຸ່ງກວ໊ກຫຽນ ສະເໜີໃຫ້ອໍານາດການປົກຄອງທ້ອງຖິ່ນເອົາໃຈໃສ່, ສໍາຫຼວດກວດຄືນບັນດາຄອບຄົວປະສົບກັບຄວາມຫຍຸ້ງຍາກ ເພື່ອມີແຜນການຊ່ວຍເຫຼືອຢ່າງທັນການ, ຮັບປະກັນໃຫ້ທຸກໆຄອບຄົວລ້ວນແຕ່ໄດ້ຕ້ອນຮັບບຸນເຕັດດ້ວຍຄວາມຜາສຸກ. ຫຼັງຈາກນັ້ນ, ທ່ານຮອງປະທານສະພາແຫ່ງຊາດຫວຽດນາມ ຟຸ່ງກວ໊ກຫຽນ ກໍໄດ້ໄປຢ້ຽມຢາມ, ອວຍພອນບຸດເຕັດອໍານາດການປົກຄອງ, ປະຊາຊົນຕາແສງ ຮົວບຸມ ແລະ ບັນດາພະນັກງານ, ນັກຮົບຢູ່ຄ້າຍປ້ອງກັນຊາຍແດນ ຮົວບຸມ. ນອກຈາກນັ້ນ, ທ່ານຍັງໄປຢ້ຽມຢາມ ແລະ ມອບຂອງຂວັນໃຫ້ຄູອາຈານ ແລະ ນັກສຶກສາຢູ່ໂຮງຮຽນມັດທະຍົມກິນນອຊົນເຜົ່ານຮົວບຸມ ແລະ ບັນດາຄອບຄົວເປົ້າໝາຍນະໂຍບາຍຢູ່ຕາແສງດັ່ງກ່າວອີກດ້ວຍ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.