ຄະນະທູຕານຸທູດເຂົ້າຮ່ວມການຊອກຮູ້ກ່ຽວກັບວັນບຸນເຕັດປີຊວດ 2020
(ພາບ: baovanhoa.vn)
ວັນທີ 12 ມັງກອນ, ຢູ່ໂຮງງານ ຫວຽດເຊືອ, ເມືອງບາວີ່, ຮ່າໂນ້ຍ, ກະຊວງການຕ່າງປະເທດຫວຽດນາມ ໄດ້ສົມທົບກັບກຸ່ມແມ່ຍິງປະຊາຄົມອາຊຽນ ຢູ່ຮ່າໂນ້ຍ ຈັດລາຍການ “ຄົ້ນຫາວັດທະນະທຳພື້ນເມືອງຫວຽດນາມ ທີ່ສະຫງວນໃຫ້ຄະນະທູຕານຸທູດ - ບຸນເຕັດພ້ອມກັບ ຫວຽດເຊືອ”. ເຂົ້າຮ່ວມເຫດການມີບັນດາເອກອັກຄະລັດຖະທູດ, ອຸປະທູດ ແລະ ພັນລະຍາ, ຫົວໜ້າບັນດາອົງການຕາງໜ້າຫວຽດນາມ ປະຈຳຕ່າງປະເທດ, ກຸ່ມແມ່ຍິງປະຊາຄົມອາຊຽນ ຢູ່ຮ່າໂນ້ຍ.
ນີ້ແມ່ນໜຶ່ງໃນບັນດາການເຄື່ອນໄຫວພົບປະແລກປ່ຽນວັດທະນະທຳເລີ່ມຕົ້ນປີອາຊຽນ 2020, ດ້ວຍຈຸດປະສົງພົວພັນແລກປ່ຽນວັດທະນະທຳລະຫວ່າງບັນດາປະເທດ, ໂຄສະນາແນະນຳບັນດາຈຸດຄວາມງາມທີ່ເປັນມູນເຊື້ອຂອງວັດທະນະທຳຫວຽດນາມ, ບັນດາຮີດຄອງປະເພນີໃນມື້ບຸນເຕັດ, ຜະລິດຕະພັນພື້ນເມືອງ… ຜ່ານນັ້ນ, ຮັດແໜ້ນຄວາມສາມັກຄີ, ມິດຕະພາບລະຫວ່າງບັນດາປະເທດອາຊຽນ; ສ້າງຄວາມປະທັບໃຈອັນດີງາມກ່ຽວກັບປະເທດຊາດ ແລະ ຊາວຫວຽດນາມ.
ບັນດາຜູ້ແທນໄດ້ຢ້ຽມຊົມການເຄື່ອນໄຫວຕ່າງໆທີ່ເປັນເອກະລັກສະເພາະຄື: ແນະນຳກ່ຽວກັບຄວາມເປັນມາຂອງເຂົ້າຕົ້ມ, ເຂົ້າໜົມໄຢ່, ບາງຮີດຄອງປະເພນີໃນບຸນເຕັດ…
(ແຫຼ່ງຄັດຈາກ VOV)
