ຂ່າວສານ
ການທູດຫວຽດນາມ ເພື່ອພາລະກິດແຫ່ງການປົກປັກຮັກສາ ແລະ ພັດທະນາປະເທດຊາດພາຍໃຕ້ແສງສະຫວ່າງຂອງ ມະຕິກອງປະຊຸມໃຫຍ່ຄັ້ງທີ XIII ຂອງພັກ
ເນື່ອງໃນໂອກາດຕ້ອນຮັບປີໃໝ່ສາກົນ 2022, ທ່ານລັດຖະມົນຕີກະຊວງການຕ່າງປະເທດ ຫວຽດນາມ ບຸຍແທັງເຊີນ ໄດ້ມີບົດຂຽນ ຫວນຄືນ 1 ປີຜ່ານມາ ຂອງການທູດ ຫວຽດນາມ ທີ່ໄດ້ເອົາລົງໃນສື່ມວນຊົນສະບັບອອກໃນວັນທີ 1 ມັງກອນ ປີ 2022 ໂດຍຢັ້ງຢືນວ່າ ໃນ 1 ປີຜ່ານມາ ການທູດ ສືບຕໍ່ປະກອບສ່ວນເຂົ້າໃນການໂຄສະນາອອກໄປສູ່ໂລກຢ່າງແຮງກ່ຽວກັບ ພາບພົດຂອງ ຫວຽດນາມ ທີ່ເປັນເອກະລາດ, ເປັນເຈົ້າຕົນເອງ, ມີການປ່ຽນແປງໃໝ່, ຂະຫຍັນຂັນເຄື່ອນ, ມີປະດິດຄິດສ້າງ, ເຕັມໄປດ້ວຍສີສັນ ແລະ ມູນເຊື້ອ, ແມ່ນເພື່ອນມິດ ທີ່ສັດຊື່ບໍລິສຸດ, ແມ່ນຄູ່ຮ່ວມມືທີ່ມີຄວາມໄວ້ເນື້ອເຊື່ອໃຈຂອງ ເພື່ອນມິດສາກົນ. ການທູດໄດ້ຊອກຫາຫຼາຍມາດຕະການເພື່ອຜັນຂະຫຍາຍການເຄື່ອນໄຫວຢ່າງກ້ວາງຂວາງໃນທຸກວຽກງານການທູດສອງຝ່າຍ, ຫຼາຍຝ່າຍ, ດ້ານການເມືອງ, ຊາຍແດນຜືນແຜ່ນດິນ, ການທູດເສດຖະກິດ, ການທູດສາທາລະນະສຸກ, ວັກຊິນ, ຂົນຂວາຍ ແລະ ຍາດແຍ່ງໄດ້ການສະໜັບສະໜູນຂອງປະຊາຄົມສາກົນ ແລະ ຊາວຫວຽດນາມ ອາໄສຢູ່ຕ່າງປະເທດຢ່າງທັນການ ກ່ຽວກັບວັກຊິນ, ຜະລິດຕະພັນການຢາ, ວັດຖຸອຸປະກອນການແພດ, ແຫຼ່ງກຳລັງຮັບໃຊ້ການປິ່ນປົວ, ປ້ອງກັນ, ຕ້ານ ແລະ ຮັບມືກັບໂລກລະບາດໂຄວິດ - 19 ຢ່າງປອດໄພ. ການພົວພັນ ລະຫວ່າງ ຫວຽດນາມ ແລະ ບັນດາຄູ່ຮ່ວມມື ໄດ້ມີການພັດທະນາຢ່າງແຮງ ຕາມທິດນັບມື້ນັບເຂົ້າສູ່ລວງເລິກ, ມີປະສິດທິຜົນ, ເພີ່ມທະວີຄວາມໄວ້ເນື້ອເຊື່ອໃຈ, ສົມທົບຜົນປະໂຫຍດ, ເປັນຕົ້ນແມ່ນກັບປະເທດບ້ານໃກ້ເຮືອນຄຽງ, ເພື່ອນມິດທີ່ມາແຕ່ດົນນານ, ຄູ່ຮ່ວມມືຍຸດທະສາດ, ຄູ່ຮ່ວມມືຮອບດ້ານ. ໃນຫຼາຍຝ່າຍ, ຫວຽດນາມ ໄດ້ເຂົ້າຮ່ວມຫຼາຍການເຄື່ອນໄຫວ, ເຫດການຫຼາຍຝ່າຍພົ້ນເດັ່ນຂອງພາກພື້ນ ແລະ ໂລກ, ປະກອບສ່ວນຕັ້ງໜ້າ ແລະ ມີຄວາມຮັບຜິດຊອບຕໍ່ວຽກງານລວມຂອງປະຊາຄົມສາກົນ.
(ແຫຼ່ງຄັດຈາກ VOV)
