ນີ້ແມ່ນການເຄື່ອນໄຫວໂດຍບໍລິສັດໃຫຍ່ ເບຍ ເຫລົ້າ ນ້ຳຫວານ ໄຊງ່ອນ SABECO ສົມທົບກັບສະຫະພັນໃຫຍ່ແຮງງານຫວຽດນາມ ຈັດຕັ້ງຂຶ້ນ ດ້ວຍເປົ້າໝາຍ ບໍລິຈາກເງິນສ້າງກອງທຶນຫນູນຊ່ວຍຜູ້ອອກແຮງງານຫວຽດນາມ ຖືກຜົນສະທ້ອນຈາກໂລກລະບາດໂຄວິດ 19. ມີກວ່າ 150 ຄົນຈະເຂົ້າຮ່ວມການແລ່ນຕໍ່ໃນໄລຍະທາງ 1875 ກິໂລແມັດ ຮອດນະຄອນ ໂຮ່ຈີມິນ ແລະ ຄາດວ່າຈະສິ້ນສຸດໃນວັນທີ 25 ຕຸລາ ແລະ ຫລັງຈາກນັ້ນ ແມ່ນແລ່ນໃນໄລຍະທາງ 145 ກິໂລແມັດຕື່ມອີກ ຈາກ ນະຄອນໂຮ່ຈີມີນ ຮອດນະຄອນເກີນເທີ. ທ່ານ ເຈີນແທງຫາຍ ຮອງປະທານຜູ້ປະຈຳການສະຫະພັນໃຫຍ່ແຮງງານຫວຽດນາມ ໃຫ້ຮູ້ວ່າ:
“ເພື່ອສ້າງກອງທຶນຊ່ວຍເຫລືອຜູ້ອອກແຮງງານທີ່ປະສົບກັບຄວາມຫຍຸ້ງຍາກຍ້ອນຜົນສະທ້ອນຈາກໂລກລະບາດໂຄວິດ 19, ຂ້າພະເຈົ້າຫວັງວ່າ ລາຍການດັ່ງກ່າວຈະເພີ່ມກຳລັງຫນູນເພື່ອແຜ່ຂະຫຍາຍໃຫ້ກວ້າຂວາງກວ່າ, ເຊື່ອມຕໍ່ບັນດາຜູ້ໃຈບຸນໃຈກຸສົນໃຫ້ມີຄວາມສາມັກຄີກັນ ແລະ ເພີ່ມພູນຄູນສ້າງໃຫ້ຊີວິດນີ້ນັບມື້ນັບດີງາມກວ່າ.”
ມາຮອດປະຈຸບັນ ລາຍການ ດັ່ງກ່າວໄດ້ຮັບເງິນສະຫນັບສະຫນູນຫລາຍກວ່າ 3,5ຕື້ດົ່ງ, ດຶງດູດ 1.800 ສ່ວນບຸກຄົນ, ຫົວຫນ່ວຍເຂົ້າຮ່ວມ.
(ແຫຼ່ງຄັດຈາກ VOV)
