ຂ່າວສານ

ການເຄື່ອນໄຫວຕ່າງໆເນື່ອງໃນໂອກາດ ສະເຫຼີມສະຫຼອງ 20 ປີແຫ່ງວັນ ຮ່າໂນ້ຍໄດ້ເຊີດຊູເປັນ “ນະຄອນແຫ່ງສັນຕິພາບ” ຈາກ UNESCO

26/06/2019

ເນື່ອງໃນໂອກາດ ສະເຫຼີມສະຫຼອງ 20 ປີແຫ່ງວັນ ຮ່າໂນ້ຍໄດ້ເຊີດຊູເປັນ “ນະຄອນແຫ່ງສັນຕິພາບ” ຈາກ UNESCO (16 ກໍລະກົດ 1999 – 16 ກໍລະກົດ 2019), ນະຄອນຮ່າ ໂນ້ຍຈະຈັດຕັ້ງການເຄື່ອນໄຫວຕ່າງໆເພື່ອສະເຫຼີມສະຫຼອງເຫດການທີ່ສຳຄັນນີ້.

ຮ່າໂນ້ຍ “ນະຄອນແຫ່ງສັນຕິພາບ” (ພາບ: Hà Nội mới)

ພິທີໂຮມຊຸມມູນ ມິດຕິງສະເຫຼີມສະຫຼອງ 20 ປີແຫ່ງວັນ ຮ່າໂນ້ຍໄດ້ຮັບ ການເຊີດຊູເປັນ “ນະຄອນແຫ່ງສັນຕິພາບ”ຈະດຳເນີນຢູ່ ອານຸສາວະລີ ລິ໊ທ໊າຍໂຕ ໃນຕອນເຊົ້າວັນທີ 13 ກໍລະກົດ. ໃນພິທີໂຮມຊຸມມູນມິດຕິງນີ້ຈະມີການເຄື່ອນໄຫວຫຼາຍຢ່າງ ຄື: ປ່ອຍນົກກາງແກດ້ວຍສານສັນຕິພາບ ແລະ ນະຄອນ ຈະປະກາດເລື່ອງສ້າງສຳເນົາເຂົ້າຮ່ວມຕາໜ່າງ “ນະຄອນປະດິດຄິດສ້າງ” ຂອງ UNESCO.

ຕໍ່ຈາກນັ້ນ, ເຫດການວັນບຸນວັດທະນະທຳສັນຕິພາບຈະດຳເນີນໃນລະຫວ່າງວັນທີ 13 -14 ກໍລະກົດ ດ້ວຍບັນດາການເຄື່ອນໄຫວວັດທະນະທຳ, ກິລາ ຫຼາຍຢ່າງ. ຢູ່ບັນດາສະຖານທີ່ອ້ອມແອ້ມໜອງຮ່ວານກ໊ຽມ(ໜອງເຕົ່າ) ກໍ່ໄດ້ດຳເນີນບັນດາການເຄື່ອນໄຫວສະແດງສິລະປະຫຼາຍຢ່າງ.

(ແຫຼ່ງຄັດຈາກ VOV)

ເອກອັກຄະລັດຖະທູດ ຫງວຽນນາມເຢືອງ ຍື່ນສານຕາຕັ້ງມາຍັງທ່ານປະທານາທິບໍດີ ປາແລັດສະຕິນ

19/02/2026
ຂ່າວສານ

ວັນທີ 17 ກຸມພາ, ທ່ານ ຫງວຽນນາມເຢືອງ ເອກອັກຄະລັດຖະທູດຜູ້ມີອຳນາດເຕັມແຫ່ງ ສສ. ຫວຽດນາມ ປະຈຳ ສ. ອາຣັບ ອີຢິບ ແລະ ລັດ ປາແລັດສະຕິນ ໄດ້ຍື່ນສານຕາຕັ້ງຂອງທ່ານ ເລືອງເກື່ອງ ປະທານປະເທດ ຫວຽດນາມ ມາຍັງທ່ານປະທານາທິບໍດີ ປາແລັດສະຕິນ Mahmoud Abbas, ກາຍເປັນເອກອັກຄະລັດຖະທູດຜູ້ມີອຳນາດເຕັມບໍ່ປະຈຳຂອງ ຫວຽດນາມ ຢູ່ ລັດ ປາແລັດສະຕິນ ຢ່າງເປັນທາງການ.