ຂ່າວສານ
ການຢ້ຽມຢາມຂອງທ່ານນາຍົກລັດຖະມົນຕີ ຫງວຽນຊວນຟຸກ ຈະຍົກການພົວພັນລະຫວ່າງ ລາວ-ຫວຽດນາມ ຂຶ້ນສູ່ລະດັບສູງໃໝ່
ທ່ານນາຍົກລັດຖະມົນຕີ ຫງວຽນຊວນຟຸກ ແລະ ທ່ານນາຍົກລັດຖະມົນຕີ ລາວ
ທອງລຸນ ສີສຸລິດ ເປັນສັກຂີພິຍານພິທີລົງນາມໃນ
ເອກະສານຮ່ວມມືລະຫວ່າງສອງປະເທດ
ໃນຫນ້າທຳອິດຂອງບັນດາຫນັງສືພິມສຳຄັນຂອງລາວສະບັບອອກໃນວັນທີ 26/4 ໄດ້ລົງພິມບົດນຳຫລາຍບົດຍ້ອງຍໍສັນລະເສີນກ່ຽວກັບການພົວພັນລະຫວ່າງ ລາວ - ຫວຽດນາມ ເນື່ອງໃນໂອກາດການຢ້ຽມຢາມ ສປປ ລາວຢ່າງເປັນທາງການຂອງທ່ານນາຍົກລັດຖະມົນຕີ ຫງວຽນຊວນຟຸກ. ບົດນຳໃນຫນັງສືພິມປະຊາຊົນ ໄດ້ຢືນຢັນ: ການຢ້ຽມຢາມ ສປປ ລາວຂອງທ່ານນາຍົກລັດຖະມົນຕີ ຫງວຽນຊວນຟຸກ ຈະຊ່ວຍເພີ່ມທະວີ ແລະ ເປີດກວ້າງການພົວພັນທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ ລາວ - ຫວຽດນາມ. ຫນັງສືພິມລາວພັດທະນາ ລົງພິມບົດນຳ “ການຢ້ຽມຢາມ ສປປ ລາວຂອງທ່ານນາຍົກລັດຖະມົນຕີ ຫງວຽນຊວນຟຸກ ຈະຍົກການພົວພັນລະຫວ່າງລາວ ແລະ ຫວຽດນາມ ຂຶ້ນສູ່ລະດັບສູງໃຫມ່” ໃນນັ້ນເນັ້ນຫນັກວ່າ: ການຢ້ຽມຢາມແມ່ນດຳເນີນໃນປີສາມັກຄີລາວ - ຫວຽດນາມ 2017, ເປັນການສະແດງໃຫ້ເຫັນຄວາມຖືເປັນສຳຄັນ ແລະ ຊຸກຍູ້ການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລາວ - ຫວຽດນາມ ນັບມື້ນັບພັດທະນາຢ່າງເລິກເຊິ່ງ, ກວ້າງຂວາງ, ແທດຈິງ ແລະ ມີປະສິດທິຜົນ. ຫນັງສືພິມປະເທດລາວ ແລະ ຂ່າວສານປະເທດລາວ ກໍ່ໄດ້ລົງບົດຂຽນ ດ້ວຍຫົວຂໍ້ວ່າ: “ການຢ້ຽມຢາມ ສປປ ລາວຂອງທ່ານນາຍົກລັດຖະມົນຕີ ຫງວຽນຊວນຟຸກ ຈະສ້າງກຳລັງຫນູນໃຫມ່ໃຫ້ແກ່ການພົວພັນແບບພິເສດ ລາວ - ຫວຽດນາມ”. ບົດຂຽນໄດ້ຢືນຢັນວ່າ ການຢ້ຽມຢາມ ສປປ ລາວຂອງທ່ານນາຍົກລັດຖະມົນຕີ ຫງວຽນຊວນຟຸກ ມີຄວາມໝາຍສຳຄັນສຳລັບສອງປະເທດ ລາວ ແລະຫວຽດນາມ ແລະ ການຢ້ຽມຢາມ ຈະສ້າງກຳລັງຫນູນໃຫມ່ຢ່າງແນ່ນອນ, ຊ່ວຍເພີ່ມທະວີ ແລະ ຮັດແຫນ້ນການພົວພັນມິດຕະພາບ, ຄວາມສາມັກຄີແບບພິເສດ, ສະຫນິດຕິດພັນ, ໄວ້ເນື້ອເຊື່ອໃຈ ແລະ ຮ່ວມມືຮອບດ້ານ ລະຫວ່າງ ລາວ ແລະຫວຽດນາມ ໃນໄລຍະພັດທະນາໃຫມ່ຂອງແຕ່ລະພັກ, ແຕ່ລະປະເທດ, ຕອບສະຫນອງຄວາມມຸ່ງມາດປາດຖະຫນາ ແລະ ຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ.
ເນື່ອງໃນໂອກາດນີ້, ຫນັງສືພິມວຽງຈັນໃຫມ່, ເສດຖະກິດສັງຄົມ, ວຽງຈັນທາມ ກໍໄດ້ມີບົດຂຽນກ່ຽວກັບການຢ້ຽມຢາມ ສປປ ລາວຂອງທ່ານນາຍົກລັດຖະມົນຕີ ຫງວຽນຊວນຟຸກ ແລະພັນລະຍາ. ນອກນັ້ນ ວິທະຍຸ ແລະ ໂທລະພາບແຫ່ງຊາດລາວ ກໍ່ໄດ້ສະຫງວນເວລາເພື່ອເວົ້າເຖິງການຢ້ຽມຢາມ, ທັງໝົດລ້ວນແຕ່ຢືນຢັນ: ການຢ້ຽມຢາມ ສປປລາວ ຂອງທ່ານນາຍົກລັດຖະມົນຕີ ຫງວຽນຊວນຟຸກ ຈະເຮັດໃຫ້ການພົວພັນສອງຝ່າຍ ລາວ ແລະຫວຽດນາມ ເລິກເຊິ່ງກວ່າອີກ.
ເນື່ອງໃນໂອກາດນີ້, ຫນັງສືພິມວຽງຈັນໃຫມ່, ເສດຖະກິດສັງຄົມ, ວຽງຈັນທາມ ກໍໄດ້ມີບົດຂຽນກ່ຽວກັບການຢ້ຽມຢາມ ສປປ ລາວຂອງທ່ານນາຍົກລັດຖະມົນຕີ ຫງວຽນຊວນຟຸກ ແລະພັນລະຍາ. ນອກນັ້ນ ວິທະຍຸ ແລະ ໂທລະພາບແຫ່ງຊາດລາວ ກໍ່ໄດ້ສະຫງວນເວລາເພື່ອເວົ້າເຖິງການຢ້ຽມຢາມ, ທັງໝົດລ້ວນແຕ່ຢືນຢັນ: ການຢ້ຽມຢາມ ສປປລາວ ຂອງທ່ານນາຍົກລັດຖະມົນຕີ ຫງວຽນຊວນຟຸກ ຈະເຮັດໃຫ້ການພົວພັນສອງຝ່າຍ ລາວ ແລະຫວຽດນາມ ເລິກເຊິ່ງກວ່າອີກ.
(ແຫຼ່ງຄັດຈາກ VOV)
