Hayashi Yoshimasa (ພາບ: TTXVN)
ການພົບປະເຈລະຈາ, ລັດຖະມົນຕີທັງສອງທ່ານໄດ້ເຫັນດີຈະປະສານສົມທົບກັນຢ່າງແໜ້ນແຟ້ນເພື່ອ ພ້ອມກັນຊຸກຍູ້ການພົວພັນຄູ່ຮ່ວມມືຍຸດທະສາດຢ່າງເລິກເຊີ່ງກວ້າງຂວາງລະຫວ່າງສອງປະເທດ ໃຫ້ພັດທະນາຂຶ້ນສູ່ລະດັບສູງໃໝ່ ຄືດັ່ງນາຍົກລັດຖະມົນຕີສອງປະເທດໄດ້ແລກປ່ຽນທີ່ການພົບປະຂັ້ນສູງ ໃນວັນທີ 24 ພະຈິກ 2021.
ລັດຖະມົນຕີທັງສອງທ່ານໄດ້ເຫັນດີຈະປະສານສົມທົບກັນຢ່າງແໜ້ນແຟ້ນໃນການຊຸກຍູ້ການຜັນຂະຫຍາຍບັນດາການເຄື່ອນໄຫວ ສະເຫຼີມສະຫຼອງ 50 ແຫ່ງວັນ ສ້າງຕັ້ງການພົວພັນທາງດ້ານການທູດ ໃນປີ 2023 ໃຫ້ສົມກັບການພົວພັນຄູ່ຮ່ວມມືຍຸດທະສາດທີ່ເລິກເຊິ່ງກວ່າງຂວາງ. ໃນສະພາບການໂລກ ແລະ ພາກພື້ນມີການປ່ຽນແປງຢ່າງໄວວາ, ລັດຖະມົນຕີກະຊວງການຕ່າງປະເທດທັງສອງທ່ານໄດ້ເຫັນດີຈະເພີ່ມທະວີການຮ່ວມມືບົນເວທີພາກພື້ນ ແລະ ສາກົນຄື: ສະຫະປະຊາຊາດ, ອາຊຽນ... ລັດຖະມົນຕີທັງສອງທ່ານກໍ່ໄດ້ແລກປ່ຽນກ່ຽວກັບບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ ຄືທະເລຕາເວັນອອກ. ທ່ານລັດຖະມົນຕີກະຊວງການຕ່າງປະເທດ ບຸ່ຍແທງເຊີນ ໄດ້ເຊື້ອເຊີນ ທ່ານລັດຖະມົນຕີກະຊວງການຕ່າງປະເທດ Hayashi Yoshimasa ມາຢ້ຽມຢາມ ຫວຽດນາມ ໃນເວລາໄວໆນີ້ ເພື່ອເປັນປະທານຮ່ວມໃນກອງປະຊຸມຄະນະກຳມະການຮ່ວມມື ຫວຽດນາມ-ຍີ່ປຸ່ນ ຄັ້ງທີ 12.
(ແຫຼ່ງຄັດຈາກ VOV)