ຂ່າວສານ

ກະຊວງປ້ອງກັນປະເທດຕີລາຄາໝາກຜົນຂອງການປ້ອງກັນ, ສະກັດກັ້ນໂລກລະບາດ Covid – 19

28/04/2020

ຕອນເຊົ້າວັນທີ 27 ເມສາ, ຄະນະຊີ້ນຳການປ້ອງກັນ, ສະກັດກັ້ນໂລກລະບາດ Covid – 19 ຂອງກະຊວງປ້ອງກັນປະເທດ ຫວຽດນາມ ໄດ້ຈັດຕັ້ງກອງປະຊຸມທາງອອນລາຍ ເພື່ອຕີລາຄາໝາກຜົນຂອງວຽກງານການປ້ອງກັນ, ສະກັດກັ້ນໂລກລະບາດ ແລະ ຜົນກະທົບຂອງ ໂລກລະບາດ ຕໍ່ກັບບັນດາວຽກງານການທະຫານ - ປ້ອງກັນຊາດ.

ບັນດາຜູ້ແທນເຂົ້າຮ່ວມກອງປະຊຸມ (ພາບ: ກະຊວງປ້ອງກັນປະທດ)

ກ່າວຄຳເຫັນທີ່ກອງປະຊຸມ, ທ່ານພົນໂທ ເຈິ່ນເດີນ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າຄະນະຊີ້ນຳການປ້ອງກັນ, ສະກັດກັ້ນໂລກລະບາດ Covid – 19 ຂອງກະຊວງໄດ້ຮຽກຮ້ອງໃຫ້ບັນດາອົງການ, ກົມກອງສືບຕໍ່ເປັນເຈົ້າການປັບປຸງແຜນການປະຕິບັດການຮັບມືກັບໂລກລະບາດ, ບໍ່ປະໃຫ້ຕົກຢູ່ໃນທ່າຮັບ, ກະທັນຫັນໃນທຸກໆກໍລະນີ. ທ່ານກ່າວວ່າ:

“ໃນໄລຍະຈະມາເຖິງ, ພວກເຮົາຕ້ອງເຂົ້າຮ່ວມຢ່າງຕັ້ງໜ້າ ພ້ອມກັບລັດ ແລະ ທົ່ວປວງຊົນ, ສືບຕໍ່ປະຕິບັດໜ້າທີ່ປ້ອງກັນ, ສະກັດກັ້ນ ແລະ ຍູ້ໂລກລະບາດໃຫ້ຖອຍໄປ, ນຳຊີວິດການເປັນຢູ່ຂອງປະຊາຊົນ, ບັນດາການເຄື່ອນໄຫວຂອງສັງຄົມກັບຄືນສູ່ສະພາບປົກກະຕິແຕ່ລະກ້າວ, ແລະ ຕັ້ງໜ້າປ້ອງກັນ, ສະກັດກັ້ນໂລກລະບາດ, ບໍ່ປະໃຫ້ແຜ່ລະບາດອອກສູ່ຖັນແຖວກອງທັບ.”

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.