ຂ່າວສານ
ກອງປະຊຸມເທື່ອທີ 4 ກຸ່ມວຽກງານລະຫວ່າງຂະແໜງ ອາຊຽນ ກ່ຽວກັບການຮັບມືກັບກໍລະນີການແພດສຸກເສີນທາງສາທາລະນະ
![](https://imagevietnam.vnanet.vn/Upload/2020/10/15/1510202022201919412-anh1-cuochoplanthu4nhomcongtacliennganh_mpew.jpg)
ທ່ານ ຫງວຽນກວັກຢຸງ ຮອງລັດຖະມົນຕີກະຊວງການຕ່າງປະເທດ ຫວຽດນາມ, ຫົວໜ້າເຈົ້າໜ້າທີ່ອາວຸໂສ (SOM)
ອາຊຽນ - ຫວຽດນາມ (ພາບ: TTXVN)
ວັນທີ 14 ຕຸລາ, ດ້ວຍບົດບາດເປັນປະທານ ອາຊຽນ 2020, ທ່ານ ຫງວຽນກວັກຢຸງ ຮອງລັດຖະມົນຕີກະຊວງການຕ່າງປະເທດ ຫວຽດນາມ, ຫົວໜ້າເຈົ້າໜ້າທີ່ອາວຸໂສ (SOM) ອາຊຽນ - ຫວຽດນາມ ໄດ້ຮຽກໂຮມ ແລະ ເປັນປະທານກອງປະຊຸມເທື່ອທີ 4 ກຸ່ມວຽກງານລະຫວ່າງຂະແໜງສະພາປະສານງານ ອາຊຽນ ກ່ຽວກັບບັນດາກໍລະນີດ້ານສາທາລະນະສຸກສຸກເສີນ (ACCWG-PHE) ດ້ວຍຮູບການທາງອອນລາຍ ເຊິ່ງມີການເຂົ້າຮ່ວມຂອງບັນດາເຈົ້າໜ້າທີ່ບັນດາປະເທດ ອາຊຽນ ໃນ 2 ເສົາຄ້ຳປະຊາຄົມ ອາຊຽນ, ຜູ້ຕາງໜ້າອົງການລົງເລິກຂະແໜງສາທາລະນະສຸກ, ຄົມມະນາຄົມ, ເຂົ້າ-ອອກເມືອງ…ແລະ ບັນດາຮອງເລຂາທິການໃຫຍ່ ອາຊຽນ.
ທີ່ກອງປະຊຸມ, ບັນດາເຈົ້າໜ້າທີ່ ອາຊຽນ ໄດ້ຢັ້ງຢືນບັນດາໝາກຜົນຕັ້ງໜ້າຢູ່ບັນດາປະເທດສະມາຊິກ ອາຊຽນ ແລະ ການຮ່ວມມືນັບມື້ນັບແໜ້ນແຟ້ນລະຫວ່າງບັນດາອົງການວິຊາສະເພາະຂອງ ອາຊຽນ ໃນການຕໍ່ສູ້ຕ້ານໂຄວິດ-19.ກ່າວຄຳເຫັນທີ່ກອງປະຊຸມດັ່ງກ່າວ, ດ້ວຍບົດບາດເປັນປະທານກຸ່ມ ACCWG-PHE, ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ຫງວຽນກວັກຢຸງ ໄດ້ຕີລາຄາສູງຕໍ່ບົດບາດຂອງກຸ່ມ ACCWG-PHE ໃນການປະສານງານຮັບມືລວມຂອງ ອາຊຽນ ໃນການຮັບມືກັບໂລກລະບາດໂຄວິດ-19 ໃນໄລຍະຜ່ານມາ, ສະເໜີໃຫ້ບັນດາອົງການວິຊາສະເພາະ ສັງກັດກຸ່ມວຽກງານ ຈົ່ງສືບຕໍ່ສົມທົບກັນຢ່າງແໜ້ນແຟ້ນ, ມີປະສິດທິຜົນເພື່ອສາມາດປະຕິບັດບັນດາຂໍ້ລິເລີ່ມຕົ້ນຕໍຂອງ ອາຊຽນ ກ່ຽວກັບໂຄວິດ-19 ໃຫ້ສຳເລັດຖືກຕາມແຜນການວາງອອກ.
(ແຫຼ່ງຄັດຈາກ VOV)