ຂ່າວສານ

ກອງປະຊຸມສົ່ງເສີມ, ເຊື່ອມຕໍ່ ແລະ ຊຸກຍູ້ການສົ່ງອອກຜະລິດຕະພັນກະເສດ, ປ່າໄມ້ ແລະ ສິນໃນນຳ້ ໄປຍັງຕະຫຼາດ ຈີນ

26/10/2024

ຕອນເຊົ້າວັນທີ 25 ຕຸລາ 2024, ພະແນກກະສິກຳ ແລະ ພັດທະນາຊົນນະບົດ ຮ່າໂນ້ຍ ໄດ້ສົມທົບກັບກົມຄຸ້ມຄອງຄຸນນະພາບ, ປຸງແຕ່ງ ແລະ ພັດທະນາການຕະຫຼາດ, ຫ້ອງການ SPS ຫວຽດນາມ ຈັດຕັ້ງ “ກອງປະຊຸມສົ່ງເສີມ, ເຊື່ອມຕໍ່ ແລະ ຊຸກຍູ້ການສົ່ງອອກຜະລິດຕະພັນກະເສດ, ປ່າໄມ້ ແລະ ສິນໃນນຳ້ ໄປຍັງ ຕະຫຼາດ ຈີນ”.

ກອງປະຊຸມສົ່ງເສີມ, ເຊື່ອມຕໍ່ ແລະ ຊຸກຍູ້ການສົ່ງອອກຜະລິດຕະພັນກະເສດ, ປ່າໄມ້ ແລະ ສິນໃນນຳ້ ໄປຍັງ ຕະຫຼາດ ຈີນ ໄດ້ດຳເນີນຢູ່ ຮ່າໂນ້ຍ.

ທີ່ກອງປະຊຸມ, ຜູ້ຕາງໜ້າກົມຄຸ້ມຄອງຄຸນນະພາບ, ປຸງແຕ່ງ ແລະ ພັດທະນາການຕະຫຼາດ ໄດ້ແນະນຳສະພາບການສົ່ງອອກສິນຄ້າກະສິກຳ, ປ່າໄມ້ ແລະ ສິນໃນນຳ້ ໂດຍທົ່ວໄປ ແລະ ຕະຫຼາດ ຈີນ ເວົ້າສະເພາະ. ແລະ ລາຍງານການຜະລິດ ແລະ ສົ່ງອອກຜະລິດຕະພັນກະສິກຳ, ປ່າໄມ້ ແລະ ສິນໃນນຳ້ຂອງນະຄອນ.

ທ່ານ ຫງວຽນແທ່ງຈຸງ, ຮອງຫົວໜ້າສາຂາຄຸ້ມຄອງ ຄຸນນະພາບ, ປຸງແຕ່ງ ແລະ ພັດທະນາຕະຫຼາດ ຜະລິດຕະພັນກະສິກຳ ຮ່າໂນ້ຍ ກ່າວຄຳເຫັນທີ່ກອງປະຊຸມ.

ທ່ານ ຫງວຽນດິ່ງຮວາ, ຮອງຫົວໜ້າພະແນກກະສິກຳ ແລະ ພັດທະນາຊົນນະບົດ ຮ່າໂນ້ຍ ໃຫ້ຮູ້ວ່າ: “ນະຄອນຫຼວງ ຮ່າໂນ້ຍ ມີທີ່ຕັ້ງພູມສາດ ແລະ ການເມືອງທີ່ສຳຄັນ, ມີສະພາບທຳມະຊາດທີ່ສະດວກ, ມີລະບົບຄົມມະນາຄົມຂົນສົ່ງທາງບົກ, ທາງລົດໄຟ, ທາງອາກາດ ແລະ ແມ່ນ້ຳຂອງຢ່າງຄົບຖ້ວນ, ຮັບປະກັນການເຊື່ອມຕໍ່ພາຍໃນ ແລະ ສາກົນ. ເປັນໜຶ່ງໃນບັນດາກົນໄກເສດຖະກິດຊຸກຍູ້ການພັດທະນາການຜະລິດ ແລະ ດຳເນີນທຸລະກິດຂອງທົ່ວປະເທດ, ໂດຍສະເພາະແມ່ນເຂດເສດຖະກິດພາກເໜືອ, ດ້ວຍຄວາມສາມາດບົ່ມຊ້ອນ ແລະ ທ່າແຮງຫຼາຍຢ່າງ, ນະຄອນ ຮ່າໂນ້ຍ ມີຂະໜາດການຜະລິດກະສິກຳເປັນອັນດັບໜຶ່ງໃນທົ່ວປະເທດ.

ໃນຊຸມປີມໍ່ໆມານີ້, ນະຄອນໄດ້ສືບຕໍ່ຊຸກຍູ້ບັນດາເຂດຜະລິດກະສິກຳແບບພິເສດຢ່າງເຂັ້ມແຂງ ເພື່ອສ້າງແຫຼ່ງວັດຖຸດິບທີ່ມີຈຳນວນໃຫຍ່ ເພື່ອຮັບໃຊ້ການບໍລິໂພກພາຍໃນ ແລະ ສົ່ງອອກ ດ້ວຍເນື້ອທີ່ປູກເຂົ້າ 35 ແຫ່ງ, ເຂດປູກພືດຜັກ 104 ແຫ່ງ, ເຂດປູກໝາກໄມ້ 56 ແຫ່ງ, ເຂດລ້ຽງສິນໃນນ້ຳ 66 ແຫ່ງ, ເຂດລ້ຽງສັດ 162 ແຫ່ງ. ມີກວ່າ 1.700 ແຫ່ງປຸງແຕ່ງຜະລິດຕະພັນກະສິກຳ ແລະ ສະບຽງອາຫານ, ວິສາຫະກິດ 250 ແຫ່ງສົ່ງອອກຜະລິດຕະພັນກະເສດ. ມີ 1.350 ບ້ານຫັດຖະກຳ. ຈໍານວນສິນຄ້າ OCOP ຂອງນະຄອນ ກວມເອົາປະມານ 20% ຂອງຜະລິດ ຕະພັນ OCOP ທົ່ວປະເທດ, ມີຜະລິດຕະພັນ OCOP ຫຼາຍກວ່າ 2.700 ຜະລິດຕະພັນ (ຜະລິດຕະພັນ OCOP 4 ດາວ ມີ 1.473 ຜະລິດຕະພັນ, 18 ຜະລິດຕະພັນ 5 ດາວ ແລະ ທ່າແຮງ 5 ດາວ). ຜະລິດຕະພັນກະເສດຂອງ ຮ່າໂນ້ຍ ມີຄວາມຫຼາກຫຼາຍ, ມີບັນດາຜະລິດຕະພັນທີ່ປຸງແຕ່ງຢ່າງເລິກເຊິ່ງ, ຮັບປະກັນຄຸນນະພາບ, ໄດ້ມາດຕະຖານສາກົນ ເພື່ອຮັບປະກັນການສົ່ງອອກຄື: ຜະລິດຕະພັນໝາກໄມ້, ຊາ ; ຜະລິດຕະພັນຜົງເຄື່ອງເທດ…

ທ່ານນາງ ຫງວຽນທິທູຮັ່ງ, ຫົວໜ້າສາຂາຄຸ້ມຄອງຄຸນນະພາບ, ປຸງແຕ່ງ ແລະ ພັດທະນາ ຕະຫຼາດ ຜະລິດຕະພັນ ກະສິກຳ ຮ່າໂນ້ຍ ກ່າວຄຳເຫັນທີ່ກອງປະຊຸມ.

ໃນກອງປະຊຸມ, ຜູ້ຕາງໜ້າອົງການ SPS ຫວຽດນາມ ໄດ້ສະເໜີບົດລາຍງານກ່ຽວກັບການແຈ້ງການ SPS/WTO, ຄຳເຕືອນຄວາມປອດໄພດ້ານສະບຽງອາຫານ ແລະ ບາງຂໍ້ສະເໜີແນະກ່ຽວກັບການສົ່ງອອກຜະລິດຕະພັນກະສິກຳ, ປ່າໄມ້ ແລະ ສິນໃນນຳ້ຂອງ ຫວຽດນາມ ໄປຍັງຕະຫຼາດ ຈີນ. ທ່ານ ໂລວັນກວຽດ, ຫ້ອງການສົ່ງເສີມການຄ້າ ຫາງໂຈ່ວ-ຈີນ ໄດ້ລາຍງານໃນກອງປະຊຸມກ່ຽວກັບລະບຽບການ, ຄວາມຕ້ອງການຂອງຕະຫຼາດ, ຄວາມນິຍົມຂອງຜູ້ບໍລິໂພກຂອງປະຊາຊົນ ຈີນ.

ທ່ານ ໂງຊວນນາມ, ຫົວໜ້າຫ້ອງການ SPS ຫວຽດນາມ ກ່າວຄຳເຫັນທີ່ກອງປະຊຸມ.

ສຸດທ້າຍແມ່ນສະພາບການສົ່ງອອກໄປຕະຫຼາດ ຈີນໃນປະຈຸບັນ ແລະ ວິທີແກ້ໄຂໃຫ້ແກ່ວິສາຫະກິດຫວຽດນາມ, ໂດຍທ່ານ ເຈີ່ນຕ໋ວນມິນ, ຜູ້ອຳນວຍການສູນສົ່ງເສີມການຄ້າ ແລະ ການລົງທຶນຫວຽດນາມ-ອາຊຽນ ເປັນຜູ້ສະເໜີ.

ທ່ານ ໂລວັນກວຽດ, ຫ້ອງການສົ່ງເສີມການຄ້າ ຫາງໂຈ່ວ-ຈີນ ໄດ້ລາຍງານໃນກອງປະຊຸມກ່ຽວກັບລະບຽບການ, ຄວາມຕ້ອງການຂອງຕະຫຼາດ, ຄວາມນິຍົມຂອງຜູ້ບໍລິໂພກຂອງປະຊາຊົນ ຈີນ.

ກອງປະຊຸມສົ່ງເສີມ, ເຊື່ອມຕໍ່ ແລະ ສົ່ງເສີມການສົ່ງອອກຜະລິດຕະພັນກະສິກຳ, ປ່າໄມ້ ແລະ ສິນໃນນຳ້ ໄປຍັງຕະຫຼາດ ຈີນ ມີຄວາມສຳຄັນຫຼາຍ ແລະ ເປັນໂອກາດເພື່ອໃຫ້ວິສາຫະກິດ ແລະ ສະຫະກອນໄດ້ຮັບຮູ້ຂໍ້ມູນຂ່າວສານ, ລະບຽບການ ແລະ ຄວາມສາມາດບົ່ມຊ້ອນດ້ານການສົ່ງອອກຂອງຕະຫຼາດ ຈີນ, ບັນດາອົງການແຫ່ງລັດ ຮັບຟັງຄວາມຫຍຸ້ງຍາກ ແລະ ສິ່ງກີດຂວາງໃນການເຄື່ອນໄຫວສົ່ງອອກໄປຄຽງຄູ່ກັບການແກ້ໄຂ, ເຊື່ອມໂຍງ, ຊຸກຍູ້ການສົ່ງອອກກະສິກຳ ເພື່ອ ພ້ອມກັນແກ້ໄຂ, ເຊື່ອມຕໍ່, ສົ່ງເສີມການສົ່ງອອກຜະລິດຕະພັນກະສິກຳ ໃຫ້ແກ່ວິສາຫະກິດ ແລະ ພື້ຖານຜະລິດ.