ຂ່າວສານ

ກອງປະຊຸມຜູ້ບັນຊາການທະຫານບົກ ອາຊຽນ ກ່ຽວກັບການຮ່ວມມືໃນການປ້ອງກັນ, ຕ້ານໂລກລະບາດໂຄວິດ - 19

11/07/2020

ຜູ້ບັນຊາການທະຫານບົກ ຂອງ 10 ປະເທດ ອາຊຽນ ໄດ້ເປັນເອກະສັນຢຸດຕິການຈັດຕັ້ງລາຍການຍິງປືນຮັບໃຊ້ສະເພາະທະຫານບົກ ອາຊຽນ 2020 ເປັນການຊົ່ວຄາວ ແລະ ຕົກລົງຈັດຕັ້ງກອງປະຊຸມຫຼາຍຝ່າຍ ຜູ້ບັນຊາການທະຫານບົກ ອາຊຽນ ຜ່ານທາງອອນລາຍ ໃນເດືອນພະຈິກ 2020.

ກອງປະຊຸມຜູ້ບັນຊາການທະຫານບົກ ອາຊຽນ ກ່ຽວກັບການຮ່ວມມືໃນການປ້ອງກັນ, ຕ້ານໂລກລະບາດໂຄວິດ - 19
ຖືກຈັດຂຶ້ນຜ່ານທາງອອນລາຍ (ພາບ: qdnd.vn)

ວັນທີ 9 ກໍລະກົດ, ບຣູໄນ ໄດ້ຈັດຕັ້ງກອງປະຊຸມທາງອອນລາຍ ຜູ້ບັນຊາການທະຫານບົກ ອາຊຽນ ເພື່ອແນໃສ່ປຶກສາຫາລືກ່ຽວກັບການຈັດຕັ້ງ ລາຍການຍິງປືນຮັບໃຊ້ສະເພາະທະຫານບົກ ອາຊຽນ; ບັນດາກອງປະຊຸມທີ່ກ່ຽວຂ້ອງຂອງປີ 2020 ແລະ 2021; ແລກປ່ຽນບົດຮຽນ, ປະສົບການກ່ຽວກັບບັນຫາລວມ, ໂລກລະບາດໂຄວິດ - 19. ນີ້ແມ່ນຄັ້ງທໍາອິດທີ່ ກອງປະຊຸມດັ່ງກ່າວ ໄດ້ຮັບການຈັດຕັ້ງຜ່ານທາງອອນລາຍ. ທີ່ກອງປະຊຸມ, ບັນດາຜູ້ບັນຊາການທະຫານບົກ ອາຊຽນ ໄດ້ເຕື້ອງເຖິງຄວາມຕ້ອງການຮ່ວມມື, ໜູນຊ່ວຍລະຫວ່າງກໍາລັງທະຫານບົກຂອງບັນດາປະເທດ ອາຊຽນ ໃນວຽກງານປ້ອງກັນ, ຕ້ານໂລກລະບາດ,ເພີ່ມທະວີຄວາມສາມັກຄີ, ຮ່ວມມືກັນດໍາເນີນມາດຕະການຮັບມືໃຫ້ເໝາະສົມ. ຜູ້ບັນຊາການທະຫານບົກ ຂອງ 10 ປະເທດ ອາຊຽນ ໄດ້ເປັນເອກະສັນຢຸດຕິການຈັດຕັ້ງລາຍການຍິງປືນຮັບໃຊ້ສະເພາະທະຫານບົກ ອາຊຽນ 2020 ເປັນການຊົ່ວຄາວ ແລະ ຕົກລົງຈັດຕັ້ງກອງປະຊຸມຫຼາຍຝ່າຍ ຜູ້ບັນຊາການທະຫານບົກ ອາຊຽນ ຜ່ານທາງອອນລາຍ ໃນເດືອນພະຈິກ 2020.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.