ກອງປະຊຸມແມ່ນເຫດການສຳຄັນ ຂອງ ຂະບວນການ ກາແດງ ແລະ ຊິກວົງເດືອນແດງສາກົນ ຢູ່ພາກພື້ນ ອາຊີຕາເວັນອອກສ່ຽງໃຕ້, ໂດຍໄດ້ໝູນວຽນກັນຈັດຕັ້ງເປັນປະຈຳຢູ່ບັນດາປະເທດ. ກອງປະຊຸມຄັ້ງທີ 17 ໄດ້ຖືກຈັດຕັ້ງຂຶ້ນ ພາຍໃຕ້ການເປັນປະທານ ຂອງສະພາກະແດງຫວຽດນາມ ໃນຖານະເປັນປະທານກົນໄກ ການນຳບັນດາສະພາກາແດງ ແລະ ຊິກວົງເດືອນແດງພາກພື້ນອາຊີຕາເວັນອອກສ່ຽງໃຕ້.
ກ່າວຄຳເຫັນໄຂກອງປະຊຸມຢູ່ສະຖານທີ່ຮ່າໂນ້ຍ,ຊຶ່ງແມ່ນຈຸດໜຶ່ງໃນເຄືອຂ່າຍທາງອອນລາຍ ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ຫວັງວ່າ ຜ່ານກອງປະຊຸມ, ສະພາກາແດງຫວຽດນາມ ແລະ ສະພາກາແດງບັນດາປະເທດຈະຍົກອອກຂໍ້ລິເລີ່ມຫຼາຍຂໍ້, ເພື່ອພ້ອມກັບບັນດາລັດຖະບານ, ອຳນາດການປົກຄອງ, ວິສາຫະກິດເພື່ອ ຜັນຂະຫຍາຍການເຄື່ອນໄຫວມະນຸດສະທຳໃຫ້ມີປະສິດທິຜົນກ່ວາເກົ່າ, ບັນດາຄຸນຄ່າ ວັດທະນະທຳໄດ້ແຜ່ຂະຫຍາຍອອກສູ່ສັງຄົມ. ທ່ານຮອງນາຍົກລັດຖະມົນຕີ ຢັ້ງຢືນວ່າ ຍາມໃດ ລັດຖະບານ ຫວຽດນາມ ກໍ່ໃຫ້ຄຳໝັ້ນສັນຍາຈະຮ່ວມເດີນທາງພ້ອມກັບສະພາກາແດງຫວຽດນາມ, ຂະບວນການກາແດງ - ຊິກວົງເດືອນແດງສາກົນ ເພື່ອປະກອບສ່ວນເຂົ້າໃນການສ້າງພາກພື້ນອາຊີຕາເວັນອອກສ່ຽງໃຕ້ ແລະ ໂລກແຫ່ງສັນຕິພາບ, ຮ່ວມມື, ວັດທະນາຖາວອນ.
(ແຫຼ່ງຄັດຈາກ VOV)
