ຂ່າວສານ
UNICEF ແລະ WHO ສືບຕໍ່ກຽມພ້ອມໜູນຊ່ວຍຫວຽດນາມ ໃນວຽກງານສັກຢາກັນພະຍາດໃຫ້ເດັກນ້ອຍ
![](https://imagevietnam.vnanet.vn/Upload/2020/4/26/2604202012251218908unicefvawhotieptuchotrovietnamtiemchungchotreem_iawf.jpg)
(ພາບ:TTXVN)
ຕາມຖະແຫຼງການ, WHO ແລະ UNICEF ໄດ້ຮຽກຮ້ອງໃຫ້ບັນດາເຈົ້າໜ້າທີ່ການແພດນັບແຕ່ຂັ້ນສູນກາງ ຕະຫຼອດຮອດທ້ອງຖິ່ນ, ຄອບຄົວ ແລະ ວົງຄະນະຍາດ ຕ້ອງຍູ້ແຮງຄວາມມານະພະຍາຍາມຮັບປະກັນການສັກຢາກັນພະຍາດທີ່ຈຳເປັນໃຫ້ແກ່ເດັກນ້ອຍ ໃນໄລຍະເກີດໂລກລະບາດ. ບໍ່ຖໍ້ຖອຍໃນການຕ້ານບັນດາພະຍາດທີ່ສາມາດສະກັດກັ້ນໄດ້ດ້ວຍວັກຊິນ.
ໃນສະພາບການທີ່ຫວຽດນາມ ມານະພະຍາຍາມປົວແປງການບໍລິການສັກຢາກັນພະຍາດໃນທົ່ວປະເທດນັ້ນ, ກະຊວງສາທາລະນະສຸກຫວຽດນາມ ໄດ້ ແລະ ພວມສ້າງພື້ນຖານດ້ວຍພະຍານຫຼັກຖານດ້ານວິທະຍາສາດ ເພື່ອແນໃສ່ສ້າງຄວາມໄວ້ເນື້ອເຊື່ອໃຈ, ກະຕຸກຊຸກຍູ້ຄວາມຕ້ອງການສັກຢາກັນພະຍາດໃນວົງຄະນະຍາດ. WHO ແລະ UNICEF ໃຫ້ຄຳໝັ້ນສັນຍາວ່າຈະສືບຕໍ່ສະໜອງຂໍ້ມູນຂ່າວສານທີ່ແທ້ຈິງກ່ຽວກັບວັກຊິນໃຫ້ແກ່ບັນດາເຈົ້າໜ້າທີ່ການແພດ, ປະຊາຊົນເວົ້າລວມ ແລະ ພໍ່ແມ່ເດັກ ເວົ້າສະເພາະ ເພື່ອຊ່ວຍໃຫ້ທຸກຄົນສາມາດຍົກອອກຄຳຕັດສິນໃຈທີ່ດີ.
(ແຫຼ່ງຄັດຈາກ VOV)