ຕາມແຫຼ່ງຂ່າວຈາກກອງທຶນປະຊາກອນ ສປຊ (UNFPA), ຫວຽດນາມ ຈະສືບຕໍ່ໄດ້ຮັບບັນດາການໜູນຊ່ວຍທາງດ້ານເຕັກນິກຈາກ UNFPA ແລະ ອົງການ Vital Strategies - ຄູ່ຮ່ວມມືໃນ “ຂໍ້ລິເລີ່ມຖານຂໍ້ມູນສຳລັບສຸຂະພາບຂອງ ກອງທຶນ Blomberg Philanthropries” ແນໃສ່ຍູ້ແຮງລະບົບຈົດທະບຽນ ແລະ ສະຖິຕິສຳມະໂນຄົວຢູ່ສູນກາງ ແລະ ທ້ອງຖິ່ນ ແນໃສ່ຊ່ວຍປົກປ້ອງສະຫວັດດີການສັງຄົມຂອງພົນລະເມືອງ.
ນີ້ແມ່ນໝາກຜົນຂອງຂໍ້ຕົກລົງ ຜັນຂະຫຍາຍໄລຍະທີ 2 ຂອງການພົວພັນຄູ່ຮ່ວມມືໃນການປະຕິບັດ “ຂໍ້ລິເລີ່ມຖານຂໍ້ມູນສຳລັບສຸຂະພາບ” ໂດຍ UNFPA ປະຈໍາ ຫວຽດນາມ ແລະ ອົງການ Vital Strategies ໄດ້ລົງນາມໃນວັນທີ 9 ສິງຫາ, ແນໃສ່ສືບຕໍ່ໜູນຊ່ວຍບັນດາຄວາມມານະພະຍາຍາມປັບປຸງວຽກງານຈົດທະບຽນ ແລະ ສະຖິຕິສຳມະໂນຄົວຂອງລັດຖະບານ ຫວຽດນາມ.
ຫວຽດນາມ ພວມປະຕິບັດໂຄງການດຳເນີນງານແຫ່ງຊາດ ກ່ຽວກັບການຈົດທະບຽນ ແລະ ສະຖິຕິສຳມະໂນຄົວ ໄລຍະ 2017 – 2024, ຕາມນັ້ນແລ້ວ, ຍູ້ແຮງຂັ້ນຕອນປະຕິບັດ ກໍຄື ການສ້າງ ແລະ ຮັກສາຂໍ້ມູນທີ່ມີຄຸນນະພາບ ກ່ຽວກັບການຈົດທະບຽນໃບຢັ້ງຢືນການເກີດ, ໃບຢັ້ງຢືນການເສຍຊີວິດ, ລວມທັງສາຍເຫດການເສຍຊີວິດ.
(ແຫຼ່ງຄັດຈາກ VOV)
