![](https://imagevietnam.vnanet.vn/Upload/2021/6/23/230620212337226272-anh2b2-som2basean2b32bnghien2bcuu2bphat2btrien_nsge.jpg)
(ພາບ: TTXVN)
ຄະນະຜູ້ແທນຫວຽດນາມ ໂດຍທ່ານຮອງລັດຖະມົນຕີການຕ່າງປະເທດ ຫງວຽນກວກຢຸງ, ຫົວໜ້າ SOM ອາຊຽນ ຫວຽດນາມ ນຳໜ້າເຂົ້າຮ່ວມກອງປະຊຸມ.
ທີ່ກອງປະຊຸມ, ບັນດາຄູ່ຮ່ວມມືຈີນ, ຍີ່ປຸ່ນ ແລະ ສ.ເກົາຫຼີ ລ້ວນແຕ່ຢືນຢັນວ່າ ຈະສືບຕໍ່ຕັ້ງໜ້າເຂົ້າຮ່ວມບັນດາຂໍ້ລິເລີມຂອງອາຊຽນ ກ່ຽວກັບການປ້ອງກັນ, ຕ້ານໂລກລະບາດໂຄວິດ-19, ໜູນຊ່ວຍບັນດາປະເທດອາຊຽນ ຍົກສູງ ກຳລັງຄວາມສາມາດດ້ານການແພດປ້ອງກັນ, ຄົ້ນຄວ້າ, ພັດທະນາ ແລະ ສຳຜັດກັບວັກຊິນກັນໂຄວິດ-19 ຢ່າງປອດໄພ, ມີປະສິດທິຜົນ ແລະ ສຳໝ່ຳສະເໝີກັນ. ບັນດາປະເທດໃຫ້ຄຳໝັ້ນສັນຍາສືບຕໍ່ຊຸກຍູ້ການຫັນການຄ້າເປັນເສລີ ແລະ ຮ່ວມສຳພັນເສດຖະກິດພາກພື້ນ, ໃຫ້ສັດຕະຍາບັນ ແລະ ຜັນຂະຫຍາຍສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ໂດຍໄວ.ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີ ຫງວຽນກວດຢຸງ ໄດ້ສະເໜີໃຫ້ 3 ປະເທດຄູ່ຮ່ວມມືຈົ່ງແບ່ງປັນບັນດາບົດຮຽນໃນການຮັບມືກັບໂລກລະບາດ, ໜູນຊ່ວຍອາຊຽນ ເພີ່ມທະວີກຳລັງຄວາມສາມາດຜະລິດ ແລະ ຊື້ວັກຊິນໃຫ້ແກ່ປະຊາຊົນຢ່າງທັນການ. ພ້ອມກັນນັ້ນ, ອາຊຽນ+3 ຄວນຍູ້ແຮງການຮ່ວມມືທາງດ້ານເສດຖະກິດ, ແລກປ່ຽນການຄ້າ, ສົມທົບກັບບັນດາບັນຫາການເງິນ, ເງິນຕາ, ສ້າງຄວາມສະດວກໃຫ້ແກ່ການໄປມາຂອງປະຊາຊົນໃນພາກພື້ນເມື່ອມີເງື່ອນໄຂ.
ທ່ານຮອງລັດຖະມົນຕີກໍ່ເນັ້ນໜັ້ກວ່າ, ໂດຍແມ່ນປະທານກຸ່ມຮັບຜິດຊອບສະເພາະຂໍ້ລິເລີມຮ່ວມສຳພັນອາຊຽນ (IAI), ຫວຽດນາມ ສະເໜີໃຫ້ບັນດາຄູ່ຮ່ວມມືຈີນ, ຍີ່ປຸ່ນ ແລະ ສ.ເກົາຫຼີ ສືບຕໍ່ໜູນຊ່ວຍອາຊຽນ ຮັດແຄບໄລຍະຫ່າງຂອງການພັດທະນາຢູ່ບັນດາອະນຸພາກພື້ນຂອງອາຊຽນ.
(ແຫຼ່ງຄັດຈາກ VOV)