![](https://imagevietnam.vnanet.vn/Upload/2020/12/22/221220202022252349-interpolcanhbaogiatangmanhtoiphamlienquandenvaccinephongcovid-19_ijzw.jpg)
ວັກຊິນກັນພະຍາດໂຄວິດ - 19 ຂອງ Pfizer/BioNTech (ພາບ: AFP/TTXVN)
ວັນທີ 21 ທັນວາ, ທ່ານ Juergen Stock ເລຂາທິການໃຫຍ່ ອົງການຕຳຫຼວດອາຍາສາກົນ (Interpol) ໄດ້ກ່າວເຕືອນກ່ຽວກັບການເພີ່ມຂຶ້ນຢ່າງແຮງຂອງອາດຊະຍາກຳ, ໃນນັ້ນມີ ອາດຊະຍາກຳທີ່ກ່ຽວຂ້ອງເຖິງ ວັກຊິນກັນພະຍາດໂຄວິດ - 19. ທ່ານ Stock ຖືວ່າ: ເລື່ອງ ວັກຊິນ ກຳລັງຖືກນຳເຂົ້ານຳໃຊ້ນັ້ນ, ອາດຊະຍາກຳຈະເພີ່ມຂຶ້ນຢ່າງແຮງ.
ໃນສະພາບການທີ່ບັນດາປະເທດໃນໂລກ ເລີ່ມຜັນຂະຫຍາຍການເຄື່ອນໄຫວທີ່ກ່ຽວຂ້ອງເຖິງການສັກວັກຊິນ ກັນພະຍາດໂຄວິດ - 19 ໃນວົງກວ້າງ, ນັກຊ່ຽວຊານຫຼາຍທ່ານ, ບັນດາອົງການຈັດຕັ້ງສາກົນ ໄດ້ກ່າວເຕືອນກ່ຽວກັບເລື່ອງ ມີບັນດາກຸ່ມອາດຊະຍາກຳ ອາດຈະຂາຍວັກຊິນປອມ ຫຼື ລັກເອົາແຫຼ່ງສະໜອງວັກຊິນດັ່ງກ່າວ. ຕົ້ນເດືອນ ທັນວາ ຜ່ານມາ, Interpol ໄດ້ປະກາດຄຳເຕືອນໄພລະດັບສູງສຸດເຖິງກຳລັງຕຳຫຼວດຂອງ 194 ປະເທດສະມາຊິກ ແລະ ກ່າວເຕືອນກ່ຽວກັບຄວາມສ່ຽງທີ່ເກີດມີເຄືອຂ່າຍອາດຊະຍາກຳກ່ຽວຂ້ອງເຖິງ ວັກຊິນກັນພະຍາດໂຄວິດ - 19.
(ແຫຼ່ງຄັດຈາກ VOV)