ທ່ານໃຫ້ຮູ້ວ່າ: ໜຶ່ງໃນບັນດາເປົ້າໝາຍຂອງການເຂົ້າຮ່ວມ APEC ຄັ້ງນີ້ ແມ່ນກາລະໂອກາດເພື່ອໃຫ້ທ່ານປະທານາທິບໍດີ Donald Trump ອະທິບາຍກ່ຽວກັບນະໂຍບາຍຂອງ ອາເມລິກາ ...

ທ່ານ David Shear, ອະດີດເອກອັກຄະລັດຖະທູດ ອາເມລິກາ ປະຈຳ ຫວຽດນາມ (ຜູ້ທີ່ສອງເບື້ອງຊ້າຍ)
(ພາບ: Hoang hai/TTXVN) 

      ເນື່ອງໃນໂອກາດທ່ານປະທານາທິບໍດີ ອາເມລິກາ Donald Trump ກະກຽມການປະຕິບັດງານຢູ່ ອາຊີ, ເຂົ້າຮ່ວມກອງປະຊຸມສຸດຍອດ APEC 2017 ແລະ ຢ້ຽມຢາມ ຫວຽດນາມ ຢ່າງເປັນທາງການ, ນັກຂ່າວສຳນັກຂ່າວສານຫວຽດນາມ ປະຈຳ ວໍຊິງຕັນ ໄດ້ສຳພາດທ່ານ David Shear, ອະດີດເອກອັກຄະລັດຖະທູດ ອາເມລິກາ ປະຈຳ ຫວຽດນາມ, ອະດີດຜູ້ຊ່ວຍວຽກລັດຖະມົນຕີກະຊວງປ້ອງກັນປະເທດ ອາເມລິກາ. ທ່ານໃຫ້ຮູ້ວ່າ: ໜຶ່ງໃນບັນດາເປົ້າໝາຍຂອງການເຂົ້າຮ່ວມ APEC ຄັ້ງນີ້ ແມ່ນກາລະໂອກາດເພື່ອໃຫ້ທ່ານປະທານາທິບໍດີ Donald Trump ອະທິບາຍກ່ຽວກັບນະໂຍບາຍຂອງ ອາເມລິກາ ກ່ຽວກັບຄວາມໝັ້ນຄົງກໍ່ຄືເສດຖະກິດ ນັບແຕ່ເມື່ອ ວໍຊິງຕັນ ຖອນອອກຈາກສັນຍາຄູ່ຮ່ວມມືຂ້າມປາຊີຟິກ (TPP). ຕີລາຄາກ່ຽວກັບການພົວພັນ 2 ຝ່າຍ ລະຫວ່າງ ອາເມລິກາ ແລະ ຫວຽດນາມ ນັບແຕ່ເມື່ອທ່ານປະທານາທິບໍດີ  Donald Trump ຂຶ້ນກຳອຳນາດ, ແງ່ຫວັງການຮ່ວມມືລະຫວ່າງ 2 ປະເທດໃນໄລຍະຈະມາເຖິງ, ພິເສດແມ່ນການຄ້າ ແລະ ການລົງທຶນ, ທ່ານອະດີດເອກອັກຄະລັດຖະທູດ David Shear ຖືວ່າ: ການພົວພັນ 2 ຝ່າຍລະຫວ່າງ ອາເມລິກາ ແລະ ຫວຽດນາມ ແມ່ນແຂງແຮງທີ່ສຸດ ແລະ ນັບມື້ນັບພັດທະນາ. 2 ຝ່າຍໄດ້ຊຸກຍູ້ການໂອ້ລົມສົນທະນາໃນຂົງເຂດປ້ອງກັນຊາດ ແລະ ເສດຖະກິດ. ດັ່ງນັ້ນ, ທ່ານຖືວ່າ, 2 ຝ່າຍໄດ້ສ້າງພື້ນຖານໃຫ້ແກ່ການຢ້ຽມຢາມ ຮ່າໂນ້ຍ ກໍ່ຄືການເຂົ້າຮ່ວມຂອງທ່ານປະທານາທິບໍດີ Donald Trump  ທີ່ກອງປະຊຸມສຸດຍອດ APEC ຢູ່ດ່ານັ້ງ ໃຫ້ປະສົບຜົນສຳເລັດຢ່າງຈົບງາມ.

 (ແຫຼ່ງຄັດຈາກ VOV)