ທ່ານຮອງລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ເຈິ່ນກວັກແຄ໊ງ ເປັນຫົວໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ (ພາບ: MOIT)

ຕອນເຊົ້າວັນທີ 08 ກັນຍາ, ກອງປະຊຸມສະພາເຂດການຄ້າເສລີ ອາຊຽນ ຄັ້ງທີ 35 (AFTA 35) ຖືກຈັດຂຶ້ນແບບທາງໄກ ພາຍໃຕ້ການເປັນປະທານຂອງທ່ານລັດຖະມົນຕີກະຊວງການເງິນ ແລະ ເສດຖະກິດ ຜູ້ທີ 2 ບຣູໄນ Mohd Amin Liew Abdullah , ພ້ອມທັງມີການເຂົ້າຮ່ວມຂອງລັດຖະມົນຕີເສດຖະກິດ ຈາກ 10 ປະເທດສະມາຊິກ ອາຊຽນ ແລະ ທ່ານເລຂາທິກການ ອາຊຽນ Lim Jock Hoi. ນີ້ແມ່ນກອງປະຊຸມທີ່ນອນໃນຂອບເຂດກອງປະຊຸມລັດຖະມົນຕີເສດຖະກິດ ອາຊຽນ ຄັ້ງທີ 53 ເຊິ່ງດຳເນີນໃນລະຫວ່າງວັນທີ 8 – 15 ກັນຍາ ປີ 2021. ທ່ານຮອງລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ເຈິ່ນກວັກແຄ໊ງ ເປັນຫົວໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ.

        ທີ່ກອງປະຊຸມ, ລັດຖະມົນຕີບັນດາປະເທດໄດ້ຮັບຮອງເອົາການ ເພີ່ມເຕີມສິນຄ້າປະເພດຜະລິດຕະພັນກະເສດ, ສະບຽງອາຫານ 107 ປະເພດ ເຂົ້າໃນບັນຊີລາຍຊື່ສິນຄ້າຈຳເປັນຂອງ ອາຊຽນ ເຊິ່ງນອນໃນການດັດປັບຂອງບົດບັນທຶກຊ່ວຍຈຳວ່າດ້ວຍການແກ້ໄຂໂດຍບັນດາມາດຕະການປອດພາສີອາກອນ ສຳລັບສິນຄ້າຈຳເປັນ ເພື່ອຮັບມືກັບໂລກລະບາດໂຄວິດ - 19 ເຊິ່ງຖືກລົງນາມໃນປີປະທານ ອາຊຽນ 2020 ຂອງ ຫວຽດນາມ, ຜ່ານນັ້ນຍົກຍອດຈຳນວນປະເພດສິນຄ້າໃນບັນຊີລາຍຊື່ດັ່ງກ່າວຂຶ້ນເຖິງ 257 ປະເທດ.

        ກອງປະຊຸມດັ່ງກ່າວກໍຮັບຮອງໝາກຜົນທີ່ບັນລຸໄດ້ໃນການຮ່ວມມືພາສີອາຊຽນ, ພິເສດ ແມ່ນການສ້າງສາລະບານພາສີອາກອນທີ່ກົມກຽວ ອາຊຽນ (AHTN) ສະບັບ 2022, ຄາດວ່າຈະໄດ້ຮັບການຈັດຕັ້ງປະຕິບັດໃນເດືອນມັງກອນ ປິ 2022.  

(ແຫຼ່ງຄັດຈາກ VOV)