ພາບປະກອບ

      ກ່ອນໜ້ານັ້ນໃນວັນທີ 18 ມີນາ, ADB ໄດ້ປະກາດບ້ວງເງິນໜູຊ່ວຍທີ່ມີມູນຄ່າ 6,5 ຕື້ USD ເພື່ອຊ່ວຍໃຫ້ບັນດາປະເທດສະມາຊິກພວມພັດທະນາຂອງ ADB ທີ່ປະເຊີນໜ້າກັບບັນດາຜົນກະທົບອັນຮ້າຍແຮງເສດຖະກິດມະຫາພາກທີ່ເກີດຍ້ອນໂລກລະບາດ Covid -19. ບ້ວງເງິນໜູນຊ່ວຍໃໝ່ນີ້ມີມູນຄ່າ 13,5 ຕື້ USD, ໃນນັ້ນມີເງິນ 2,5 ຕື້ USDແມ່ນທຶນກູ້ຢຶມບຸລິມະສິດ ແລະ ຊ່ວຍເຫຼືອລ້າ, ລວມມີການສ້າງກອງທຶນຮັບມືກັບໂລກລະບາດ Covid -19 ໃນຂອບເຂດກອງທຶນໜູນຊ່ວຍຕ້ານວິກິດການຕາມຮອບວຽນ ຂອງ ADB, ດ້ວຍຈຸດສຸມຢ່າງລະອຽດແມ່ນໃຫ້ສຳລັບຄົນທຸກຍາກ ແລະ ຜູ້ມີຄວາມສ່ຽງສູງກ່ວາໝູ່. ແຫຼ່ງເງິນທຶນຊ່ວຍເຫຼືອລ້າຈະສືບຕໍ່ໄດ້ຮັບການຜັນຂະຫຍາຍໂດຍໄວ ເພື່ອສະໜອງອຸປະກອນປ້ອງກັນໂລກພະຍາດສ່ວນຕົວ ແລະ ອຸປະກອນການແພດຈາກບັນດາແຫຼ່ງຊື້ຂາຍທີ່ໄດ້ເປີດກ້ວາງ. ເງິນປະມານ 2 ຕື້ USD ກໍ່ຈະໄດ້ສະໜອງໃຫ້ແກ່ພາກເອກະຊົນ.

 (ແຫຼ່ງຄັດຈາກ VOV)