ຜູ້ແທນບັນດາປະເທດຖ່າຍຮູບເປັນທີ່ລະນຶກ (ພາບ: qdnd.vn)
ຄະນະຜູ້ແທນ ຫວຽດນາມ ໂດຍທ່ານ ພົນໂທ ຫງວຽນເຕິນເກືອງ, ເສນາທິການໃຫຍ່ກອງທັບປະຊາຊົນ ຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ນຳໜ້າຄະນະເຂົ້າຮ່ວມ.
ໃນກອງປະຊຸມ, ຜູ້ບັນຊາການກຳລັງປ້ອງກັນປະເທດບັນດາປະເທດ ອາຊຽນ ໄດ້ຢັ້ງຢືນຄືນຄວາມຜູກພັນ, ສາມັກຄີຍາວນານ, ພ້ອມກັນພັດທະນາມຸ່ງໄປເຖິງການສ້າງປະຊາຄົມ ອາຊຽນ, ຮ່ວມແຮງຮ່ວມໃຈຮັບມືກັບສິ່ງທ້າທາຍຢ່າງມີປະສິດທິຜົນ. ກອງປະຊຸມ ກໍໄດ້ຕີລາຄາໝາກຜົນການຮ່ວມມືລະຫວ່າງກອງທັບບັນດາປະເທດ ອາຊຽນ ແລະ ວາງອອກກຳນົດທິດຊຸກຍູ້ການຮ່ວມມືແທດຈິງ, ມີປະສິດທິຜົນໃນໄລຍະຈະມາເຖິງ.
ໃນໂອກາດນີ້, ຜູ້ບັນຊາການກຳລັງປ້ອງກັນປະເທດບັນດາປະເທດ ອາຊຽນ ໄດ້ຮັບຮອງເອົາແຜນການເຄື່ອນໄຫວ 2 ປີ (2024 – 2026); ຮັບຮອງເອົາ ແລະ ລົງນາມໃນຖະແຫຼງການຮ່ວມ ACDFM – 21. ສິ້ນສຸດກອງປະຊຸມ ໄດ້ດຳເນີນພິທີມອບ - ຮັບບົດບາດປະທານ ACDFM ປີ 2025 ໃຫ້ແກ່ ມາເລເຊຍ.
