• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

55 ປີແຫ່ງວັນສ້າງຕັ້ງການພົວພັນ ຫວຽດນາມ -ລາວ: ງານວາງສະແດງປື້ມ, ຮູບຖ່າຍ, ໜັງສືພິມຫວຽດນາມ - ລາວ

      ງານວາງສະແດງໄດ້ແນະນຳ 475 ສື່ສິ່ງພິມ; ປື້ມຂຽນກ່ຽວກັບປະເທດຊາດ, ປະຊາຊົນ ຫວຽດນາມ - ລາວ ເກືອບ 90 ຫົວ; ຟິມຮູບເງົາເອກະສານກ່ຽວກັບປະເທດ, ປະຊາຊົນ ຫວຽດນາມ ພ້ອມກັບຮູບຖ່າຍ 240 ແຜ່ນ
ທ່ານລັດຖະມົນຕີ ເຈືອງມິງຕ໋ວນ ທີ່ງານວາງສະແດງ      
 
      ຕອນບ່າຍວັນທີ 2 ຕຸລາ, ຢູ່ຫໍວັດທະນະທຳແຫ່ງຊາດ ລາວ, ທີ່ນະຄອນຫຼວງ ວຽງຈັນ, ກະຊວງຖະແຫຼງຂ່າວ ແລະ ສື່ສານ ຫວຽດນາມ ໄດ້ສົມທົບກັບກະຊວງຖະແຫຼງຂ່າວ, ວັດທະນະທຳ, ທ່ອງທ່ຽວ ລາວ ແລະ ສະຖານທູດ ຫວຽດນາມ ປະຈຳ ລາວ ຈັດຕັ້ງ “ງານວາງສະແດງປື້ມ, ຮູບຖ່າຍ, ໜັງສືພິມ ຫວຽດນາມ - ລາວ ຜ່ານແງ່ມູມສື່ມວນຊົນ” ເພື່ອແນໃສ່ສະເຫຼີມສະຫຼອງ 40 ປີແຫ່ງວັນ 2 ປະເທດເຊັນສົນທິສັນຍາມິດຕະພາບ, ການຮ່ວມມື (1977- 2017) ແລະ 55 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ລາວ (1962 – 2017).
        ງານວາງສະແດງໄດ້ແນະນຳ 475 ສື່ສິ່ງພິມ; ປື້ມຂຽນກ່ຽວກັບປະເທດຊາດ, ປະຊາຊົນ ຫວຽດນາມ - ລາວ ເກືອບ 90 ຫົວ; ຟິມຮູບເງົາເອກະສານກ່ຽວກັບປະເທດ, ປະຊາຊົນ ຫວຽດນາມ ພ້ອມກັບຮູບຖ່າຍ 240 ແຜ່ນກ່ຽວກັບການພົວພັນທາງການທູດ, ພາບພົດປະເທດຊາດ, ປະຊາຊົນ, ສະພາບແວດລ້ອມເສດຖະກິດ, ວັດທະນະທຳ - ສັງຄົມຂອງ 2 ປະເທດ.
     
ບ່ອນວາງສະແດງກ່ຽວກັບສິ່ງພິມ
      ກ່າວຄຳເຫັນທີ່ພິທີ, ທ່ານ ເຈືອງມີງຕ໋ວນ, ຮອງຫົວໜ້າຄະນະໂຄສະນາສູນກາງ, ລັດຖະມົນຕີກະຊວງຖະແຫຼງຂ່າວ ແລະ ສື່ສານ, ເນັ້ນໜັກວ່າ: ງານວາງສະແດງແມ່ນຂີດໝາຍໃນການພົວພັນຮ່ວມມືລະຫວ່າງ 2 ປະເທດ, ສ້າງບາດກ້າວຫັນປ່ຽນສູງກ່ວາອີກກ່ຽວກັບສະຕິຄວາມຮັບຮູ້ສາຍພົວພັນຮ່ວມມືແບບພິເສດ ຫວຽດນາມ - ລາວ ຢູ່ຂັ້ນກະຊວງ, ຂະແໜງການ, ບັນດາທ້ອງຖິ່ນ ແລະ ປະຊາຊົນທຸກຊັ້ນວັນນະ; ປະກອບສ່ວນຊຸກຍູ້ບັນດາການເຄື່ອນໄຫວພົວພັນແລກປ່ຽນວັດທະນະທຳ, ສິລະປະ, ກິລາ, ທ່ອງທ່ຽວ; ເພີ່ມທະວີການຮ່ວມມືດ້ານເສດຖະກິດ, ການຄ້າ, ສົ່ງເສີມການລົງທຶນລະຫວ່າງ 2 ປະເທດ.
        ໃນບົດກ່າວຄຳເຫັນຂອງຕົນ, ທ່ານ ບໍແສງຄຳ ວົງດາລາ, ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ ໃຫ້ຮູ້ວ່າ: ງານວາງສະແດງຄັ້ງນີ້ ບໍ່ພຽງແຕ່ເຫັນໄດ້ຄວາມກ້າວໜ້າໃນວຽກງານສື່ມວນຊົນຂອງ ຫວຽດນາມ ເທົ່ານັ້ນ ຫາກຍັງ ສ່ອງແສງເຖິງບັນຫາຮີດຄອງປະເພນີ ແລະ ວັດທະນະທຳທີ່ເປັນມູນເຊື້ອອັນດີງາມຂອງປະຊາຊົນ  ຫວຽດນາມ ອີກດ້ວຍ.
 (ແຫຼ່ງຄັດຈາກ VOV)

ປະທານປະເທດ ຫງວຽນຊວນຟຸກ ເຂົ້າຮ່ວມພິທີສົບອະດີດນາຍົກລັດຖະມົນຕີຍີປຸ່ນ Abe Shinzo

ປະທານປະເທດ ຫງວຽນຊວນຟຸກ ເຂົ້າຮ່ວມພິທີສົບອະດີດນາຍົກລັດຖະມົນຕີຍີປຸ່ນ Abe Shinzo

ຕອນບ່າຍວັນທີ 27 ກັນຍາ, ທ່ານປະທານປະເທດ ຫງວຽນຊວນຟຸກ ໄດ້ນຳໜ້າຄະນະຜູ້ແທນຫວຽດນາມ ເຂົ້າຮ່ວມພິທີສົບອະດີດ ນາຍົກລັດຖະມົນຕີ ຍີ່ປຸ່ນ Abe Shinzo ທີ່ຈັດຂຶ້ນຢູ່ນະຄອນຫຼວງ ໂຕກຽວ ປະເທດ ຍີ່ປຸ່ນ

Top