ຜູ້​ແທນ​ເຂົ້າ​ຮ່ວມກອງ​ປະ​ຊຸມ
ພາບ:TTXVN

 
      ​ຕອນ​ເຊົ້າ​ວັນ​ທີ 24/3, ກອງ​ປະ​ຊຸມ​ກຳ​ມາ​ທິ​ການ​ກ່ຽວ​ກັບ​ບັນ​ດາ​ບັນ​ຫາ​ລັດ​ຖະ​ສ​ະ​ພາ​ຂອງ​ລັດ​ຖະ​ສະ​ພາ​ປະ​ຊາ​ຄົມບັນ​ດາ​ປະ​ເທ​ດ​ໃຊ້​ພາ​ສາ​ຝ​ລັ່ງ ໄດ້​ໄຂ​ຂຶ້ນ​ຢູ່ ນະ​ຄອນ ໂຮ່​ຈິ​ມີນ ໂດຍ​ມີ​ການ​ເຂົ້າ​ຮ່ວມ​ຂອງ​ຜູ້​ແທນ 50 ຄົນ​ທີ່​ມາ​ຈາກ ຄະ​ນະ​ກຳ​ມາ​ທິ​ການ​ສະ​ມ​າ​ຊິກ​ຂອງ​ລັດ​ຖະ​ສະ​ພາ​ປະ​ຊາ​ຄົມ​ບັນ​ດາ​ປະ​ເທດ​ໃຊ້​ພາ​ສາ​ຝ​ລັ່ງ (APF), ຄະ​ນ​ະ​ເລ​ຂາ​ທິ​ການ APF, ຜູ້​ອຳ​ນວຍ​ການ​ພາກ​ພື້ນ ອາ​ຊີ ປາ​ຊີ​ຟີກ ຂອງ​ອົງ​ການ​ສາ​ກົນ​ໃຊ້​ພາ​ສາ​ຝ​ລັ່ງ, ຜູ້​ຕາງ​ຫນ້າ​ສະ​ຖານ​ທູດ​, ສະ​ຖາ​ນ​ກົງ​ສູນ​ປະ​ເທດ​ຈຳ​ນວນ​ຫນຶ່ງ. ກ່າວ​ຄຳ​ເຫັນ​ໄຂກອງ​ປະ​ຊຸມ, ທ່ານ​ຮອງ​ປະ​ທານ​ສະ​ພາ​ແຫ່ງ​ຊາດ ຫວຽດ​ນາມ ຟຸ່ງກວກ​ຫຽນ ຕີ​ລາ​ຄາ​ສູງ​ບົດ​ບາດ​ຂອງ APF ດ້ວຍ​ບັນ​ດາ​ເປົ້າ​ໝາຍ​ຊຸກ​ຍູ້ ແລະ ປົກ​ປັກ​ຮັກ​ສາ​ປະ​ຊາ​ທ​ິ​ປະ​ໄຕ, ລັດ​ແຫ່ງ​ອຳ​ນາດ​ກົດ​ໝາຍ, ເຄົາ​ລົບ​ສິດ​ທິ​ມະ​ນຸດ, ຮັກ​ສາ ແລະ ພັດ​ທະ​ນາ​ລັກ​ສະ​ນະ​ເປັນ​ຫລາຍ​ຮູບ​ຫລາຍ​ແບບ​ກ່ຽວ​ກັບ​ວັດ​ທະ​ນະ​ທຳ. ຫວຽດ​ນາມ ເປັນ​ເຈົ້າ​ການ​ໃນ​ການ​ສະ​ເຫນີ​ບັນ​ດາ​ຂໍ້​ລິ​ເລີ່ມ​ເຂົ້າ​ຮ່ວມ​ຢ່າງ​ຕັ້ງ​ຫນ້າ​ໃນ​ການ​ຜັນ​ຂະ​ຫຍາຍ​ບັນ​ດາ​ຍຸດ​ທະ​ສາດ, ລາຍ​ການ​ເຄື່ອນ​ໄຫວ​ຂອງ​ປະ​ຊາ​ຄົມ, ປະ​ກອບ​ສ່ວນ​ສຳ​ຄັນ​ເຂົ້າ​ໃນ​ການ​ປັບ​ປຸງ​ຄວາມ​ສາ​ມັກ​ຄີ ແລະ ຄວາ​ມ​ເປັນ​ເອ​ກະ​ພາບ​ພາຍ​ໃນ​ກຸ່ມ, ເປີດກວ້າງ​ການ​ພົວ​ພັນ​ລະ​ຫວ່າງ​ບັນ​ດາ​ປະ​ເທດ​ສະ​ມາ​ຊິກ, ຜ່ານນັ້ນ ປະ​ກອບ​ສ່ວນ​ເຂົ້າ​ໃນ​ຄວາມ​ວັດ​ທະ​ນາ​ຖາ​ວອນ​ລວມ. 

(ແຫຼ່ງຄັດຈາກ VOV)