ຂ່າວສານ
ເຜີຍແຜ່ໂຄສະນາຄວາມສາມາດບົ່ມຊ້ອນ, ທ່າແຮງໃນການສົ່ງອອກຂອງຜະລິດຕະພັນກະເສດ, ອາຫານຫວຽດນາມ
“ກອງປະຊຸມແລກປ່ຽນການຄ້າທາງອອນລາຍສາກົນກ່ຽວກັບຜະລິດຕະພັນກະເສດ, ອາຫານຫວຽດນາມ 2020” (ພາບ: Bnews)
ກອງປະຊຸມໄດ້ດຳເນີນໃນລະຫວ່າງວັນທີ 22 – 25 ກັນຍາ ເພື່ອແນໃສ່ໂຄສະນາໃຫ້ກ້ວາງຂວາງກ່ຽວກັບຄວາມສາມາດບົ່ມຊ້ອນ, ທ່າແຮງໃນການສົ່ງອອກຂອງຜະລິດຕະພັນກະເສດ, ອາຫານຫວຽດນາມ ແລະ ເຊື່ອມຕໍ່ວິສາຫະກິດຜະລິດ, ສົ່ງອອກຂະໜາດນ້ອຍ ແລະ ກາງ ຂອງຫວຽດນາມກັບບັນດາຄູ່ຮ່ວມມືດຳເນີນທຸລະກິດນຳເຂົ້າ, ຈຳໜ່າຍ, ຂາຍຍົກ, ຂາຍຍ່ອຍທີ່ມີຄວາມສາມາດບົ່ມຊ້ອນຢູ່ຕະຫຼາດຕ່າງປະເທດໃນສະພາບແວດລ້ອມທາງອອນລາຍ. ບັນດາວິສາຫະກິດຕ່າງປະເທດເຂົ້າຮ່ວມກອງປະຊຸມແມ່ນມາຈາກ 28 ຕະຫຼາດນຳເຂົ້າຂອງຫວຽດນາມ ໃນນັ້ນມີ: ອິນເດຍ, ສ.ເກົາຫຼີ, ຮົ່ງກົງ (ຈີນ)…ກ່າວຄຳເຫັນທີ່ກອງປະຊຸມ, ທ່ານ ຫວູບ໊າຝູ, ຫົວໜ້າກົມສົ່ງເສີມການຄ້າ, ຢັ້ງຢືນວ່າ: ຫວຽດນາມແມ່ນສະຖານທີ່ທີ່ດີ ຂອງບັນດານັກລົງທຶນຕ່າງປະເທດເມື່ອມີແຫຼ່ງສະໜອງຜະລິດຕະພັນກະເສດ, ອາຫານທີ່ອຸດົມສົມບູນ ສາມາດປະກັນໄດ້ຄຸນນະພາບ, ເໝາະສົມກັບລູກຄ້າຢູ່ໃນລະດັບທີ່ແຕກຕ່າງກັນ ເພື່ອສະໜອງໃຫ້ແກ່ຕະຫຼາດສາກົນ.
(ແຫຼ່ງຄັດຈາກ VOV)
