ຂ່າວສານ

ຮອດ 6 ໂມງເຊົ້າວັນທີ 17 ກັນຍາ ແມ່ນ 15ມື້ຢ່າງລຽນຕິດ ແລ້ວທີ່ ຫວຽດນາມ ບໍ່ກວດພົບຜູ້ຕິດເຊື້ອພະຍາດ Covid – 19 ໃນຊຸມຊົນ

17/09/2020

ຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດ Covid – 19 ໃຫ້ຮູ້ວ່າ ນັບແຕ່ເວລາ 18 ໂມງຂອງວັນທີ 16 ກັນຍາ ຫາ ເວລາ 6 ໂມງຂອງວັນທີ 17 ກັນຍາ, ຫວຽດນາມ ບໍ່ກວດພົບຜູ້ຕິດເຊື້ອພະຍາດ Covid – 19 ລາຍໃໝ່.

ພາບປະກອບ: tuoitre.vn

ດັ່ງນັ້ນ, 15ມື້ຢ່າງລຽນຕິດແລ້ວທີ່ ຫວຽດນາມບໍ່ກວດພົບຜູ້ຕິດເຊື້ອພະຍາດ Covid – 19 ໃນຊຸມຊົນ. ປັດຈຸບັນ, ຫວຽດນາມມີຜູ້ຕິດເຊື້ອພະຍາດ Covid – 19 ສະສົມທັງໝົດແມ່ນ 1062 ຄົນໃນນັ້ນມີ 931 ຄົນໄດ້ຮັບການປິ່ນປົວຫາຍດີເປັນປົກກະຕິ ແລະ ມີຜູ້ເສຍຊີວິດ 35 ຄົນ.

ໃນເຫດການທີ່ກ່ຽວຂ້ອງ, ຕາມເວັບໄຊສະຖິຕິ Worldometers.info ແລ້ວ, ໄລ່ຮອດເວລາ 1 ໂມງເຊົ້າຂອງວັນທີ 17 ກັນຍາ (ຕາມເວລາ UTC), ທົ່ວໂລກໄດ້ຢັ້ງຢືນມີ ຈຳນວນຜູ້ຕິດເຊື້ອພະຍາດ Covid – 19 ຫຼ່າຍກ່ວາ 30 ລ້ານຄົນ, ໃນນັ້ນ ມີຜູ້ເສຍຊີວິດ 944.637 ຄົນ. ອາເມລິກາສືບຕໍ່ແມ່ນປະເທດໄດ້ຮັບຜົນກະທົບຫຼາຍກ່ວາໝູ່.
ເມື່ອພິຈາລະນາຕາມພາກພື້ນແລ້ວ, ອາຊີແມ່ນພາກພື້ນທີ່ໄດ້ຮັບຜົນກະທົບຢ່າງຮ້າຍແຮງທີ່ສຸດດ້ວຍຈຳນວນຜູ້ຕິດເຊື້ອພະຍາດ Covid – 19 ເກືອບ 9 ລ້ານຄົນ ແລະ ຜູ້ເສຍຊີວິດແມ່ນ 169.887 ຄົນ. ຖັດຈາກນັ້ນແມ່ນ ພາກພື້ຮອາເມລິກາເໜືອ ແລະ ອາເມລິກາໃຕ້…

(ແຫຼ່ງຄັດຈາກ VOV)

ອາເມລິກາ ຈັດວາງຄຳສັ່ງລົງໂທດຕໍ່ຝ່າຍຊື້ນ້ຳມັນຈາກ ອີຣານ

17/04/2026
ຂ່າວສານ

ວັນທີ 15 ເມສາ, ອຳນາດການປົກຄອງ ອາເມລິກາ ໄດ້ກ່າວເຕືອນຈະຈັດວາງຄຳສັ່ງລົງໂທດຕໍ່ບັນດາປະເທດທີ່ສືບຕໍ່ຊື້ນ້ຳມັນຈາກ ອີຣານ, ໃນສະພາບການ ວໍຊິງຕັນ ຜັນຂະຫຍາຍການປິດລ້ອມການເດີນເຮືອເລັ່ງໃສ່ ເຕເຮຣານ.