ຂ່າວສານ
ຮອງປະທານສະພາແຫ່ງຊາດອວງຈູລິວຕ້ອນຮັບກຸ່ມສະມາຊິກລັດຖະສະພາ IPU ລັດຖະສະພາລາຊະອານາຈັກອັງກິດແລະອຽກລັງເໜືອ
ທ່ານຮອງປະທານສະພາແຫ່ງຊາດອວງຈູລິວ ຕ້ອນຮັບກຸ່ມສະມາຊິກລັດຖະສະພາ IPU ລັດຖະສະພາລາຊະອານາຈັກອັງກິດ
ອຽກລັງເໜືອ. (ພາບ: quochoi.vn)
ທີ່ການຕ້ອນຮັບ, ທ່ານຮອງປະທານສະພາແຫ່ງຊາດ ສະເໜີວ່າ ໃນໄລຍະຈະມາເຖິງ 2 ປະເທດຄວນສືບຕໍ່ເພີ່ມທະວີການຮ່ວມມືໃນຂົງເຂດວັດທະນະທຳ, ການສຶກສາ - ບຳລຸງສ້າງ, ຊ່ວຍນັກສຶກສາຫວຽດນາມ ມີເງື່ອນໄຂສຳພັດກັບລະບົບການສຶກສາຂອງອັງກິດ. ຊົມເຊີຍໝາກຜົນການເຈລະຈາລະຫວ່າງຄະນະ ກັບກຳມາທິການການຕ່າງປະເທດ, ບັນດາກຳມາທິການອື່ນຂອງສະພາແຫ່ງຊາດ ແລະ ກຸ່ມສະມາຊິກລັດຖະສະພາມິດຕະພາບຫວຽດນາມ - ອັງກິດ, ທ່ານຮອງປະທານສະພາແຫ່ງຊາດ ອວງຈູລິວ ໄດ້ສະໜັບສະໜູນ 2 ອົງການນິຕິບັນຍັດເພີ່ມທະວີການຮ່ວມມືຮອບດ້ານ, ແລກປ່ຽນບັນດາຄະນະຜູ້ແທນຂັ້ນສູງ, ບັນດາກຸ່ມສະມາຊິກລັດຖະສະພາ ເພື່ອແນໃສ່ເພີ່ມຄວາມເຂົ້າອົກເຂົ້າໃຈເຊິ່ງກັນແລະກັນ, ເພີ່ມທະວີການແລກປ່ຽນຂໍ້ມູນຂ່າວສານ ແລະ ບົດຮຽນໃນການເຄື່ອນໄຫວລັດຖະສະພາ.
ສ່ວນທ່ານ Wayne David ໄດ້ສົ່ງຄຳແບ່ງເບົາຄວາມເສົ້າສະຫຼົດໃຈຢ່າງສຸດຊື້ງກ່ຽວກັບເລື່ອງທ່ານປະທານປະເທດເຈິ່ນດ້າຍກວາງ ເຖິງແກ່ມໍລະນະກຳ ແລະ 2 ມື້ກ່ອນນີ້ແມ່ນທ່ານອະດີດເລຂາທິການໃຫຍ່ ໂດ໊ເມື່ອຍ ເຖິງແກ່ມໍລະນະກຳ. ທ່ານ Wayne David ສະເໜີໃຫ້ 2 ປະເທດສືບຕໍ່ເພີ່ມທະວີການຮ່ວມມືໃນຫຼາຍຂົງເຂດກວ່າອີກ, ຜ່ານນັ້ນນຳມາເຊິ່ງຜົນປະໂຫຍດຢ່າງແທດຈິງໃຫ້ແກ່ປະຊາຊົນ 2 ປະເທດ.
(ແຫຼ່ງຄັດຈາກ VOV)
