ຂ່າວສານ

ຫວຽດນາມ ຢັ້ງຢືນເລື່ອງປະຕິບັດບັນດາຄຳໝັ້ນສັນຍາສາກົນກ່ຽວກັບແຮງງານ

23/06/2019

ໃນລະຫວ່າງວັນທີ 20 -21 ມິຖຸນາ, ທ່ານ ດ່າວງອັກຢຸງ ລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ, ດ້ວຍຖານະເປັນທູດພິເສດຂອງນາຍົກລັດຖະມົນຕີ ຫວຽດນາມ ໄດ້ມີການຢ້ຽມຢາມ ແລະ ເຮັດວຽກຢູ່ ສະຫະພາບເອີລົບ (EU) ແລະ ແບນຊິກ.

ທ່ານ ດ່າວງອັກຢຸງ ລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ ແລະ ທ່ານ Jyrki Katainen ຮອງປະທານຄະນະກຳມະການເອີລົບ (ພາບ: TTXVN)

ໃນ 2 ວັນທີ່ເຮັດວຽກຢູ່ Brussels, , ທ່ານ ດ່າວງອັກຢຸງ ໄດ້ມີການພົບປະກັບທ່ານ Jyrki Katainen ຮອງປະທານຄະນະກຳມະການເອີລົບ, ຮັບຜິດຊອບບັນດາບັນຫາວຽກເຮັດງານທຳ ແລະ ການເຕີບໂຕ, ທ່ານນາງ Celilia Malmstrom ຂ້າຫຼວງໃຫຍ່ຮັບຜິດຊອບດ້ານການຄ້າຂອງ EU, ທ່ານ Bernd Lange ປະທານຄະນະກຳມາທິການການຄ້າສາກົນຂອງລັດຖະສະພາ ເອີລົບ, ທ່ານ Joost Korte ຫົວໜ້າກົມໃຫຍ່ວຽກເຮັດງານທຳ ແລະ ບັນດາບັນຫາສັງຄົມ, ແລະ ທ່ານ Kris Peeters ຮອງນາຍົກລັດຖະມົນຕີ, ລັດຖະມົນຕີເສດຖະກິດ - ວຽກເຮັດງານທຳ ລາຊະອານາຈັກ ແບນຊິກ. ບັນດາການເຮັດວຽກໄດ້ສຸມໃສ່ປຶກສາຫາລືກ່ຽວກັບບັນດາບັນຫາທີ່ກ່ຽວຂ້ອງເຖິງຄຳໝັ້ນສັນຍາກ່ຽວກັບແຮງງານໃນ ພາກການຄ້າ ແລະ ພັດທະນາແບບຍືນຍົງຂອງສັນຍາການຄ້າເສລີລະຫວ່າງ ຫວຽດນາມ - ສະຫະພາບເອີລົບ (EVFTA). ທ່ານ ດ່າວງອັກຢຸງ ໄດ້ເນັ້ນໜັກວ່າ, ໄປຄຽງຄູ່ກັບການຮ່ວມມືດ້ານການຄ້າ ແລະ ການລົງທຶນ, ຫວຽດນາມໄດ້ຖືເປັນສຳຄັນການພັດທະນາແບບຍືນຍົງ ແລະ ກວມລວມ, ຖືປະຊາຊົນເປັນໃຈກາງ ແລະ ແມ່ນເປົ້າໝາຍຂອງການພັດທະນາ, ຕິດພັນການພັດທະນາເສດຖະກິດກັບການຮັບປະກັນຊີວິດສັງຄົມ.

(ແຫຼ່ງຄັດຈາກ VOV)

ການນຳກະຊວງປ້ອງກັນຄວາມສະຫງົບ ຫວຽດນາມ ເຂົ້າອວຍພອນ ທ່ານ ພົນເອກ ວິໄລ ຫຼ້າຄຳຟອງ

10/01/2026
ຂ່າວສານ

ທ່ານ ພົນຕີ ເລ ກວກ ຮຸ່ງ, ຮອງລັດຖະມົນຕີ ກະຊວງປ້ອງກັນຄວາມສະຫງົບ ຫວຽດນາມ, ປະທານກອງປະຊຸມ ຫວຽດນາມ-ລາວ ໃນກຳລັງປ້ອງກັນຄວາມສະຫງົບປະຊາຊົນ, ໄດ້ເຂົ້າຢ້ຽມຢາມ ແລະ ອວຍພອນ ທ່ານ ພົນເອກ ວິໄລ ຫຼ້າຄຳຟອງ, ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ.