ກອງປະຊຸມທາງອອນລາຍເພື່ອປຶກສາຫາລືກ່ຽວກັບສະພາບການຢູ່ພາກພື້ນ Sahel ຢູ່ ອາຟຼິກກາ

(ພາບ: TTXVN) 

ທີ່ກອງປະຊຸມ, ສະຫະປະຊາຊາດໄດ້ຮຽກຮ້ອງໃຫ້ປະຊາຄົມສາກົນ, ບັນດາລັດຖະບານ, ບັນດາອົງການຈັດຕັ້ງໃນພາກພື້ນ ຢູ່ ອາຟຼິກກາຕາເວັນຕົກ ແລະ  Sahel ເພີ່ມທະວີຄວາມສາມັກຄີກັນຕ້ານການກໍ່ການຮ້າຍ ແລະ ການໃຊ້ຄວາມຮຸນແຮງ, ເນັ້ນຫນັກວ່າຕ້ອງມີວິທີການສຳຜັດທີ່ເປັນເອກະພາບ, ຮອບດ້ານໃນການແກ້ໄຂບັນດາສິ່ງທ້າທາຍກ່ຽວກັບຄວາມໝັ້ນຄົງ, ມະນຸດສະທຳ ແລະ ການພັດທະນາຢູ່ Sahel, ພິເສດແມ່ນຢູ່ Mali, ຮຽກຮ້ອງໃຫ້ຮັບປະກັນດ້ານການເງິນໃຫ້ແກ່ການເຄື່ອນໄຫວຂອງກຳລັງ G5 – Sahel. ສປຊ ກໍ່ຮຽກຮ້ອງໃຫ້ບັນດາປະເທດສະໜັບສະໜູນວິທີການສຳຜັດກ່ຽວກັບບວງເງິນສະໜັບສະໜູນຢ່າງຮອບດ້ານໃນການໜູນຊ່ວຍ ແລະ ແກ້ໄຂບັນດາບັນຫາຢູ່ Sahel.

ທ່ານດັ້ງດິ່ງກຸ໊ຍ, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ສະແດງຄວາມວິຕົກກັງວົນຕໍ່ບັນດາເຫດບຸກໂຈມຕີ ການກໍ່ການຮ້າຍ ຊຶ່ງເຮັດໃຫ້ຫຼາຍຄົນເສຍຊີວິດຢູ່ Sahel ໃນໄລຍະທີ່ຜ່ານມາ, ທ່ານກໍ່ສະໜັບສະໜູນການຜັນຂະຫຍາຍກ່ຽວກັບວິທີການສຳຜັດຢ່າງຮອບດ້ານກ່ຽວກັບຄວາມໝັ້ນຄົງ, ມະນຸດສະທຳ ແລະ ການພັດທະນາແບບຍືນຍົງໃຫ້ແກ່ບັນດາປະເທດໃນພາກພື້ນ. ທ່ານເນັ້ນໜັກເຖິງຄວາມຈຳເປັນ ແລະ ພັນທະໃນການປົກປ້ອງສາມັນຊົນ, ເປັນຕົ້ນແມ່ນແມ່ຍິງ ແລະ ເດັກນ້ອຍ ແລະ ຮຽກຮ້ອງໃຫ້ມີແຜນການ, ການສົມທົບຢ່າງຮອບດ້ານໃນການແກ້ໄຂບັນດາສິ່ງທ້າທາຍກ່ຽວກັບຄວາມໝັ້ນຄົງ, ການປ່ຽນແປງຂອງດິນຟ້າອາກາດ, ມະນຸດສະທຳ ແລະ ການຕ້ານໂລກລະບາດ Covid – 19.

(ແຫຼ່ງຄັດຈາກ VOV)