ທ່ານ Samrainsy (ພາບ: AFP/TTXVN)
ຕອນຄຳ່ວັນທີ 11 ສິງຫາ, ສານອຸທອນ ກຳປູເຈຍ ໄດ້ຕົກລົງຮັກສາການຕັດສິນລົງໂທດຂອງສານຊັ້ນຕົ້ນໄວ້, ຕາມນັ້ນແລ້ວ, ທ່ານ Samrainsy, ອະດີດປະທານພັກຝ່າຍຄ້ານ CNRP ຖືກຕັດສິນລົງໂທດຈຳຄຸກໃນໄລຍະ 20 ເດືອນຍ້ອນໂທດໝິ່ນປະໝາດທ່ານນາຍົກລັດຖະມົນຕີ Hun Sen ຄຳກ່າວປະກາດໂທດຂອງຜູ້ພິພາກສາ Nhoung Thul ຊີ້ແຈ້ງວ່າ: “ການຕັດສິນຂອງນະຄອນ ພະນົມເປັນ ສຳລັບທ່ານ Samrainsy ແມ່ນຖືກຕ້ອງ, ສະນັ້ນສານອຸທອນຈຶ່ງຕົກລົງຮັກສາການຕັດສິນລົງໂທດຂອງສານຊັ້ນຕົ້ນໄວ້“. ກ່ອນໜ້ານັ້ນ, ເມື່ອເດືອນມີນາຜ່ານມາ, ສານຊັ້ນຕົ້ນພະນົມເປັນໄດ້ຕັດສິນລົງໂທດຈຳຄຸກທ່ານ Samrainsy 1 ປີ 8 ເດືອນ, ປັບໄໝເງິນ ແລະ ຕ້ອງຊົດເຊີຍຄ່າເສຍຫາຍດ້ານຈິດໃຈໃຫ້ທ່ານນາຍົກລັດຖະມົນຕີ Hun Sen ຍ້ອນກ່ຽວຂ້ອງເຖິງເລື່ອງກ່າວຫາທ່ານນາຍົກລັດຖະມົນຕີ ແລະ ລັດຖະບານລາຊະວົງ ກຳປູເຈຍ ໜູນຫຼັງເຫດຄາດຕະກຳທ່ານ Kem Ley ນັກໄຈ້ແຍກດ້ານການເມືອງທີ່ມີຊື່ສຽງຢູ່ ກຳປູເຈຍ. ຕາມປະມວນກົດໝາຍອາຍາຂອງ ກຳປູເຈຍ. ທ່ານ Samrainsy ຖືກຜູກໂທດວ່າໄດ້ໝິ່ນປະໝາດສາທາລະນະ ແລະ ກະຕຸກຊຸກຍູ້ກໍ່ຜົນສະທ້ອນຢ່າງຮ້າຍແຮງເຖິງຄວາມໝັ້ນຄົງໃນສັງຄົມ.
(ແຫຼ່ງຄັດຈາກ VOV)
