ຕາມເວັບໄຊ ສະຖິຕິ worldometers.info ແລ້ວ, ໄລ່ຮອດເວລາ 1 ໂມງ 30 ນາທີ ຂອງວັນທີ 24 ມັງກອນ (ຕາມເວລາ UTC), ໂລກໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ກ່ວາ 99 ລ້ານ 3 ແສນຄົນ ໃນນັ້ນມີຜູ້ເສຍຊີວິດ 2.130.293 ຄົນ. ປະເທດຖືກຜົນສະທ້ອນຢ່າງໜັກໜ່ວງທີ່ສຸດ ຍັງຄົງແມ່ນອາເມລິກາ ດ້ວຍຈຳນວນຜູ້ຕິດເຊື້ອພະຍາດໂຄວິດ - 19 ແມ່ນ 25.566.789 ຄົນ ໃນນັ້ນມີຜູ້ເສຍຊີວິດ 427.635 ຄົນ. ຖັດຈາກນັ້ນແມ່ນ ອິນເດຍ, ບຣາຊິນ.
ຢູ່ເອີລົບ, ຫຼາຍປະເທດສືບຕໍ່ວາງອອກຫຼາຍມາດຕະການຈຳກັດໃໝ່ ເພື່ອແນໃສ່ຮັດແໜ້ນການຄວບຄຸມ ຕໍ່ຄວາມວິຕົກກັງວົນກ່ຽວກັບເຊື້ອໄວຣັດ Sars-CoV-2 ສາຍພັນໃໝ່ຈາກອັງກິດ. ໃນນັ້ນ, ລັດຖະບານໂຮນລັງໄດ້ຕັດສິນໃຈຈັດວາງກົດໄອຍະການເສິກ ນັກແຕ່ເວລາ 21 ໂມງຂອງວັນທີ 23 ມັງກອນເປັນຕົ້ນໄປ. ນີແມ່ນຄັ້ງທຳອິດ ໂຮນລັງ ໄດ້ປະຕິບັດ ກົດໄອຍະການເສິກທົ່ວປະເທດນັບແຕ່ພາຍຫຼັງສົງຄາມໂລກຄັ້ງທີ II ເປັນຕົ້ນມາ.
ໃນເຫດການທີ່ກ່ຽວຂອງ, ຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19 ຫວຽດນາມ ໃຫ້ຮູ້ວ່າ ນັບແຕ່ເວລາ 18 ໂມງ ຂອງວັນທີ 22 ມັງກອນ ຫາ 18 ໂມງຂອງວັນທີ 23 ມັງກອນ, ຫວຽດນາມ ບໍ່ກວດພົບຜູ້ຕິດເຊື້ອພະຍາດໂຄວິດ - 19 ລາຍໃໝ່ຕື່ມອີກ. ມາຮອດປັດຈຸບັນ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ສະສົມທັງໝົດແມ່ນ 1.548 ຄົນ, ມີ 1.411 ຄົນໄດ້ຮັບການປິ່ນປົວຫາຍດີເປັນປົກກະຕິ ແລະ ມີ ຜູ້ເສຍຊີວິດ 35 ຄົນ.
