ຕອນບ່າຍວັນທີ 26/5, ໃນວາລະປຶກສາຫາລືຢູ່ໜ່ວຍ ກ່ຽວກັບຮ່າງມະຕິແກ້ໄຂໜີ້ເສຍຂອງບັນດາອົງການສິນເຊື່ອ,

ຫງວຽນດຶກກຽນ ສະມາຊິກສະພາແຫ່ງຊາດ, ແຂວງ ຊອກຈັງ 
(ພາບປະກອບ: tapchigiaothong.vn)

      ສະມາຊິກສະພາແຫ່ງຊາດຫຼາຍທ່ານສະແດງຄວາມເຫັນອົກເຫັນໃຈຕໍ່ເລື່ອງຮັບຮອງເອົາມະຕິນີ້ທີ່ກອງປະຊຸມສະໄໝສາມັນເທື່ອທີ 3 ສະພາແຫ່ງຊາດ ຫວຽດນາມ ຊຸດທີ 14, ເພື່ອແນໃສ່ໜູນຊ່ວຍພື້ນຖານເສດຖະກິດ. ທ່ານ ຫງວຽນດຶກກຽນ ສະມາຊິກສະພາແຫ່ງຊາດ, ແຂວງ ຊອກຈັງ ຖືວ່າ:
        “ເນື້ອໃນຕົ້ນຕໍຂອງມະຕິສະແດງອອກ 4 ບັນຫາ. ທີໜຶ່ງແມ່ນສະເໜີມີຜົນສັກສິດນັບແຕ່ວັນທີ 1/7/2017 ແລະ ສິ້ນສຸດລົງໃນວັນທີ 1/7/2022. ທີສອງແມ່ນບໍ່ຈຳແນກພາກສ່ວນກຳມະສິດຂອງບັນດາອົງການສິນເຊື່ອ, ຫາກນຳໃຊ້ສຳລັບທຸກອົງການສິນເຊື່ອທີ່ພວມເຄື່ອນໄຫວຢູ່ ຫວຽດນາມ. ທີສາມແມ່ນກຳນົດເວລາແກ້ໄຂໜີເສຍຄືນໃໝ່. ນັ້ນແມ່ນບັນດາໜີ້ເສຍທີ່ປະກົດແຕ່ວັນທີ 31/12/2016. ສ່ວນໜີ້ເສຍທີ່ປະກົດນັບແຕ່ວັນທີ 1/1/2017 ແມ່ນຕ້ອງແກ້ໄຂຕາມກົດໝາຍວ່າດ້ວຍບັນດາອົງການສິນເຊື່ອ. ຍັງມີສິ່ງສຳຄັນໜຶ່ງອີກນັ້ນແມ່ນມະຕິໄດ້ຫັນເປັນລະບົບ, ກຳນົດຂັ້ນຕອນແກ້ໄຂຊັບສົມບັດຄືນໃໝ່“.
        ແລະກໍ່ໃນຕອນບ່າຍວັນທີ 26/5, ບັນດາ ສະມາຊິກສະພາແຫ່ງຊາດ ກໍ່ໄດ້ປຶກສາຫາລືກ່ຽວກັບຮ່າງກົດໝາຍປັບປຸງເພີ່ມເຕີມບາງມາດຕາຂອງກົດໝາຍວ່າດ້ວຍບັນດາອົງການສິນເຊື່ອ. ຮ່າງກົດໝາຍສຸມໃສ່ເຮັດແຈ້ງຂັ້ນຕອນເພື່ອຈັດທະນາຄານແຫ່ງໜຶ່ງເຂົ້າໃນເປົ້າໝາຍກວດກາພິເສດ, ໃນນັ້ນມີຄວາມຮັບຜິດຊອບຂອງທະນາຄານແຫ່ງລັດ, ແລະ ຂອງບັນດາອົງການສິນເຊື່ອ.

(ແຫຼ່ງຄັດຈາກ VOV)