ຂ່າວສານ

ລະດັບແຜ່ລະບາດຂອງເຊື້ອໄວຣັດ ໂຄວິດ - 19 ໃນທົ່ວໂລກ ພວມຊັກຊ້າລົງ

08/02/2021

ຕາມການຢັ້ງຢືນຂອງ WHO, ລະດັບແຜ່ລະບາດຂອງເຊື້ອໄວຣັດ ໂຄວິດ - 19 ໃນທົ່ວໂລກ ເບິ່ງຄືວ່າພວມຊັກຊ້າລົງ

ລະດັບແຜ່ລະບາດຂອງເຊື້ອ ໂຄວິດ - 19 ໃນທົ່ວໂລກ ພວມຊັກຊ້າລົງ

ທ່ານ Maria van Kerkhoven ນັກຊ່ຽວຊານ ອົງການອະນາໄມໂລກ(WHO) ເມື່ອບໍ່ດົນມານີ້ ໄດ້ແຈ້ງໃຫ້ຊາບວ່າ ຕາມການຢັ້ງຢືນຂອງ WHO, ລະດັບແຜ່ລະບາດຂອງເຊື້ອໄວຣັດ ໂຄວິດ - 19 ໃນທົ່ວໂລກ ເບິ່ງຄືວ່າພວມຊັກຊ້າລົງ. ຕາມນັກຊ່ຽວຊານທ່ານນີ້ແລ້ວ ນີ້ອາດຖືວ່າແມ່ນສັນຍານທີ່ດີ ເມື່ອຈຳນວນກໍລະນີຕິດເຊື້ອໃໝ່ຖືກກວດພົບມີ ທ່າອ່ຽງຫຼຸດລົງໃນແຕ່ລະວັນ ຢູ່ຫຼາຍປະເທດໃນໂລກ. ສິ່ງນີ້ບັນລຸໄດ້ຕົ້ນຕໍກໍຍ້ອນ ຜ່ານການນຳໃຊ້ບັນດາມາດຕະການເຮັດໃຫ້ການແຜ່ລະບາດຂອງເຊື້ອໄວຣັດຖືກຕັດຕອນ. ອີກຢ່າງໜຶ່ງແມ່ນຕ້ອງເວົ້າເຖິງເລື່ອງບັນດາປະເທດໃນໂລກ ໄດ້ຜັນຂະຫຍາຍບັ້ນສັກຢາກັນ ໂຄວິດ - 19 ເປັນວົງກວ້າງ ແຕ່ນັກຊ່ຽວຊານຂອງ WHO ຍັງຮຽກຮ້ອງໃຫ້ປະຊາຊົນໃນໂລກ ຈົ່ງສືບຕໍ່ປະຕິບັດບັນດາມາດຕະການປ້ອງກັນ ສະກັກກັ້ນໂລກລະບາດ ຢ່າງເຂັ້ມງວດ ພ້ອມທັງຊຸກຍູ້ບັນດາປະເທດຈົ່ງເອົາໃຈໃສ່ກວ່າອີກ ໃນການປະກາດໃຫ້ປະຊາຊົນ ກ່ຽວກັບບັນດາມາດຕະການ ທີ່ຈຳເປັນໃນການປ້ອງກັນ ສະກັກກັ້ນໂລກລະບາດ.

(ແຫຼ່ງຄັດຈາກ VOV)

ຢາລາຍ ໜູນຊ່ວຍຊາວປະມົງຫັນປ່ຽນອາຊີບ, ສ້າງວິທີຫາເງິນລ້ຽງຊີບທີ່ເປັນປົກກະຕິ

25/04/2026
ຂ່າວສານ

ເພື່ອແນໃສ່ສ້າງໂຄງປະກອບຂອງໜ່ວຍງານເຄື່ອນໄຫວເຮືອຫາປາ, ຕິດພັນກັບການສ້າງວິທີຫາເງິນລ້ຽງຊີບເປັນປົກກະຕິ ແລະ ພັດທະນາຂະແໜງສິນໃນນ້ຳຕາມທິດຍືນຍົງ, ແຂວງ ຢາລາຍ ໄດ້ສະຫງວນງົບປະມານກວ່າ 212 ຕື້ດົ່ງ (ກວ່າ 8 ລ້ານ USD) ເພື່ອໃຫ້ 16 ຕາແສງແຄມທະເລຜັນຂະຫຍາຍນະໂຍບາຍໜູນຊ່ວຍຊາວປະສົງທີ່ບໍ່ມີເງື່ອນໄຂເຄື່ອນໄຫວຢ່າງພຽງພໍ, ພ້ອມທັງໜູນຊ່ວຍຊາວປະມົງຫັນປ່ຽນອາຊີບ.