ຂ່າວສານ
ປະຕິບັດບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19 ຢ່າງຂ້ຽວຂາດ ແລະ ມີປະສິດທິຜົນ
ທ່ານນາຍົກລັດຖະມົນຕີ ຟ້າມມິງຈິ໊ງ ຫາກໍ່ສົ່ງໂທລະເລກທາງການໄປຍັງການນຳບັນດາແຂວງ, ນະຄອນຂຶ້ນກັບສູນກາງ, ລັດຖະມົນຕີບັນດາກະຊວງ, ຫົວໜ້າອົງການທຽບເທົ່າກະຊວງ, ອົງການຂຶ້ນກັບລັດຖະບານ, ໃນນັ້ນເນັ້ນໜັ້ກວ່າ: ເພື່ອສະກັດກັ້ນ, ຄວບຄຸມ ໂລກລະບາດໂຄວິດ - 19 ໂດຍໄວ, ຮັກສາສຸຂະພາບ, ຊີວິດອິນຊີ ຂອງປະຊາຊົນເໜືອກ່ວາສິ່ງໃດໝົດ, ຕ້ອງສືບຕໍ່ສຸມໃສ່ການຊີ້ນຳ, ນຳພາ ແລະ ຈັດຕັ້ງປະຕິບັດບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19 ຢ່າງຂ້ຽວຂາດ, ເຂັ້ມງວດ ແລະ ມີປະສິດທິຜົນ.
ສຳລັບບັນດາທ້ອງຖິ່ນ ພວມປະຕິບັດການແຍກຫ່າງໃນສັງຄົມ ແລະ ຕໍ່ເວລາແຍກຫ່າງໃນສັງຄົມ, ນອກຈາກການປະຕິບັດບັນດາຂໍ້ກຳນົດຂອງຄຳສັ່ງເລກທີ 16 ຂອງນາຍົກລັດຖະມົນຕີ ແລ້ວ ຕ້ອງປະຕິບັດບັນດາຄວາມຮຽກຮ້ອງທາງການແພດ, ສະບຽງອາຫານ, ທັນຍາຫານ, ການບໍລິການທີ່ຈຳເປັນ ແລະ ຄວາມເປັນລະບຽບຮຽບຮ້ອຍທາງສັງຄົມຢ່າງປອດໄພ ໃຫ້ແກ່ປະຊາຊົນນັບທັງຢູ່ ຕາແສງ, ບ້ານ, ເທດສະບານ. ການນຳຕ້ອງຊີ້ນຳໂດຍກົງ ແລະ ມີຄວາມຮັບຜິດຊອບຕໍ່ໝາກຜົນຂອງການປ້ອງກັນ, ສະກັດກັ້ນໂລກລະບາດໂຄວິດ - 19 ໃນບໍລິເວນ, ບຸລິມະສິດຢ່າງສູງໃຫ້ແກ່ວຽກງານປ້ອງກັນ, ຕ້ານໂລກລະບາດ.
