ທ່ານນາງປະທານສະພາແຫ່ງຊາດ ຫງວຽນທິກິມເງິນ ພົບປະກັບທ່ານປະທານສະພາສູງ ກຳປູເຈຍ Samdech Say Chhum
ນະທີ່ນີ້, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ສະແດງຄວາມປາດຖະໜາວ່າ ໃນໄລຍະຈະມາເຖິງ ສະພາແຫ່ງຊາດ 2 ຝ່າຍຈະສືບຕໍ່ແລກປ່ຽນຄະນະຜູ້ແທນ, ແລກປ່ຽນບົດຮຽນເຊິ່ງກັນ ແລະ ກັນ. ທ່ານນາງປະທານສະພາແຫ່ງຊາດ ຫງວຽນທິກິມເງິນ ປາດຖະໜາວ່າ ສະພາແຫ່ງຊາດ ກຳປູເຈຍ ຈະສືບຕໍ່ເອົາໃຈໃສ່ໜູນຊ່ວຍປະຊາຄົມຊາວ ຫວຽດນາມ ດຳລົງຊີວິດເປັນປົກກະຕິຢູ່ ກຳປູເຈຍ; ສ້າງເງື່ອນໄຂສະດວກໃຫ້ແກ່ບັນດາວິສາຫະກິດ ຫວຽດນາມ ລົງທຶນພັດທະນາບັນດາການເຄື່ອນໄຫວຜະລິດ, ດຳເນີນທຸລະກິດ; ພ້ອມທັງປາດຖະໜາວ່າ ສະພາແຫ່ງຊາດ ກຳປູເຈຍ ຈະເອົາໃຈໃສ່ຊີ້ນຳ, ຊຸກຍູ້ວຽກງານຂີດຂັ້ນປັກຫຼັກໝາຍຊາຍແດນໃຫ້ສຳເລັດໂດຍໄວ.
ສ່ວນທ່ານປະທານສະພາແຫ່ງຊາດລາຊະອານາຈັກ ກຳປູເຈຍ Samdech Heng Samrin ໄດ້ຂອບໃຈສະພາແຫ່ງຊາດ ຫວຽດນາມ ທີ່ໄດ້ບຳລຸງສ້າງແຫຼ່ງຊັບພະຍາກອນມະນຸດກ່ຽວກັບຂົງເຂດເຕັກໂນໂລຊີຂໍ້ມູນຂ່າວສານ, ເຕັກນິກ; ຂອບໃຈກ່ຽວກັບໂຄງການກໍ່ສ້າງສຳນັກງານສະພາແຫ່ງຊາດໂດຍພັກ, ລັດ ແລະ ປະຊາຊົນ ຫວຽດນາມ ມອບໃຫ້.ແລະກໍ່ໃນວັນດຽວກັນ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໄດ້ພົບປະກັບທ່ານປະທານສະພາສູງ ກຳປູເຈຍ Samdech Say Chhum.
(ແຫຼ່ງຄັດຈາກ VOV)
