ຂ່າວສານ

ບັນດາອົງການສື່ມວນຊົນ ມຸ່ງໄປເຖິງການສ້າງລະບົບຄົບຊຸດໃນການຖະແຫຼງຂ່າວ

19/01/2022

ຕອນເຊົ້າວັນທີ 18 ມັງກອນ, ປະຕູຖານຂໍ້ມູນເອເລັກໂຕນິກລັດຖະບານ ໄດ້ຈັດຕັ້ງພິທີເປີດສະຫຼອງລະບົບໜ້າຈໍໜັກເວັບໃໝ່ຂອງປະຕູຖານຂໍ້ມູນເອເລັກໂຕນິກ ລັດຖະບານ ແລະ ສຳນັກບັນນາທິການ, ເນື່ອງໃນໂອກາດສະເຫຼີມສະຫຼອງ 16 ປີ ແຫ່ງປະຕູຖານຂໍ້ມູນເອເລັກໂຕນິກລັດຖະບານເຊື່ອມຕໍ່ກັບອິນເຕີເນັດ (10/1/2006 – 10/1/2022).

ທ່ານຮອງນາຍົກລັດຖະມົນຕີ ຫວູດຶກດາມ ກ່າວຄຳເຫັນທີ່ພິທີ (ພາບ: VOV)

ເຂົ້າຮ່ວມ ແລະ ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ ຫວູດຶກດາມ ຕີລາຄາສູງບົດບາດຂອງປະຕູຖານຂໍ້ມູນເອເລັກໂຕນິກ ລັດຖະບານ ແລະ ຢັ້ງຢືນວ່າ ບໍ່ພຽງແຕ່ໃຫ້ຂ່າວກ່ຽວກັບການເຄື່ອນໄຫວຂອງລັດຖະບານ, ກົງຈັກບໍລິຫານຂອງລັດເຖິງປະຊາຊົນ, ຜູ້ອ່ານຢູ່ຕ່າງປະເທດໄດ້ຢ່າງທັນການເທົ່ານັ້ນ, ຫາກປະຕູຖານຂໍ້ມູນເອເລັກໂຕນິກ ລັດຖະບານ ຍັງມີຄວາມຄືບໜ້າຢ່າງຈະແຈ້ງໃນການຮັບເອົາຄຳເຫັນກະທົບຕອບ, ຄຳປຶກສາ, ຄຳເຫັນປະກອບ, ຄຳລະດົມກຳລັງໃຈຂອງປະຊາຊົນ ແລະ ເພື່ອນມິດສາກົນອີກດ້ວຍ.

ທ່ານຮອງນາຍົກລັດຖະມົນຕີ ສະເໜີກະຊວງຖະແຫຼງຂ່າວ ແລະ ການສື່ສານ ສົມທົບກັບສະມາຄົມນັກຂ່າວ ຫວຽດນາມ, ບັນດາອົງການສື່ມວນຊົນ, ປະຕູຖານຂໍ້ມູນ, ເວັບໄຊ… ຕ້ອງສ້າງເປັນລະບົບທີ່ຄົບຊຸດໃນການຖະແຫຼງຂ່າວກ່ຽວກັບແຜນນະໂຍບາຍ, ນະໂຍບາຍ, ພ້ອມທັງຮັບເອົາການເຂົ້າຮ່ວມ, ປະກອບຄຳເຫັນຂອງປະຊາຊົນ, ນຳເຂົ້າຖານຂໍ້ມູນເພື່ອໄຈ້ແຍກ, ເປັນພື້ນຖານເພື່ອດັດປັບນະໂຍບາຍ.

(ແຫຼ່ງຄັດຈາກ VOV)

ສະຫາຍອເລຂາທິການໃຫຍ່ ໂຕເລີມ: ສຳນັກຂ່າວສານ ຫວຽດນາມ ສືບຕໍ່ຢືນຢັນບົດບາດເປັນອົງການຂ່າວສານຍຸດທະສາດ ແລະ ຄວາມໄວ້ເນື້ອເຊື່ອໃຈຂອງ ພັກ ແລະ ລັດ

14/09/2025
ຂ່າວສານ

ຕອນເຊົ້າວັນທີ 14 ກັນຍາ, ຢູ່ສູນສຳນັກຂ່າວແຫ່ງຊາດ, ເລກທີ 5 ຫຼີເຖື່ອງກຽດ, ຮ່າໂນ້ຍ, ສຳນັກຂ່າວສານຫວຽດນາມ (VNA) ໄດ້ຈັດພິທີມອບຫຼຽນໄຊ ໂຮ່ຈີມິນ (ເປັນຄັ້ງທີ 3) ແລະ ສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ (ວັນທີ 15 ກັນຍາ 1945 - ວັນທີ 15 ກັນຍາ 2025). ສະຫາຍເລຂາທິການໃຫຍ່ ໂຕເລີມ ໄດ້ເຂົ້າຮ່ວມ ແລະ ກ່າວຄຳເຫັນທີ່ພິທີ. ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິງຈິ໋ງ, ປະທານສະພາແຫ່ງຊາດ ເຈີ່ນແທງເໝີ໊ນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໊ວັນຈ໋ຽນ ໄດ້ສົ່ງກະຕ່າດອກໄມ້ ແລະ ຈົດໝາຍອວຍພອນເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ.