ທ່ານນາຍົກລັດຖະມົນຕີ ຝ້າມມິນຈີ້ງເຂົ້າຮ່ວມກອງປະຊຸມການເມຶອງ-ການທະຫານທົ່ວກອງທັບໄລຍະ 6 ເດືອນຕົ້ນປີ 2021

ເຂົ້າຮ່ວມ ແລະ ກ່າວຄຳເຫັນຊີ້ນຳກອງປະຊຸມ, ທ່ານ ນາຍົກລັດຖະມົນຕີ ຝ້າມມິນຈີ້ງ ໄດ້ຊີ້ແຈ້ງເຖິງບັນດາຜົນງານທີ່ພົ້ນເດັ່ນຮອບດ້ານໃນບັນດາຂົງເຂດຊຶ່ງຫວຽດນາມບັນລຸໄດ້ໃນໄລຍະ 6 ເດືອນທີ່ຜ່ານມາ, ຊຶ່ງມີການປະກອບສ່ວນຂອງກະຊວງປ້ອງກັນປະເທດ ກໍຄືທົ່ວພະນັກງານ, ນັກຮົບທົ່ວກອງທັບ.

   ໃນໄລຍະທີ່ຈະມາເຖິງ, ທ່ານ ນາຍົກລັດຖະມົນຕີ ຝ້າມມິນຈີ້ງ ໄດ້ຕັກເຕືອນກ່ຽວກັບບາງໜ້າທີ່ສຳຄັນ, ໃນນັ້ນ ກອງທັບຄວນເປັນເຈົ້າການ ມີຫົວຄິດປະດິດສ້າງໃນການປະຕິບັດໜ້າທີ່, ເດັດດຽວ ປົກປັກຮັກສາເອກະລາດ, ອະທິປະໄຕ, ເອກະພາບ ແລະ ຜືນແຜ່ນດິນອັນຄົບຖ້ວນຂອງປະເທດຊາດ ຕິດພັນຢ່າງໜັກແໜ້ນ,ກົມກ່ຽວ, ມີປະສິດທິຜົນກັບການ ພັດທະນາເສດຖະກິດ-ສັງຄົມ, ຮັກສາສະຖຽນລະພາບທາງດ້ານການເມືອງ ແລະ ສະພາບແວດລ້ອມແຫ່ງສັນຕິພາບເພື່ອພັດທະນາປະເທດຊາດ, ພ້ອມກັນນັ້ນ ກໍເສີມຂະຫຍາຍກຳລັງແຮງຂອງມະຫາຊົນ ແລະ ກຸ່ມກ້ອນມະຫາສາມັກຄີທົ່ວປວງຊົນທັງຊາດ, ປັບປຸງທ່າສະໜາມປະຊາຊົນ ໃຫ້ໝັ້ນແກ່ນ.

 (ແຫຼ່ງຄັດຈາກ VOV)