ໃນຕອນບ່າຍວັນທີ 26 ຕຸລາ, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ສປປ ລາວ ແລະ ຄະນະປະຕິບັດງານ ມາຢ້ຽມຢາມ ແລະ ເຮັດວຽກຢູ່ແຂວງ  ຕ່ຽນຢາງ.

ທ່ານຮອງນາຍົກລັດຖະມົນຕີ ລາວ ແລະ ການນຳແຂວງ ຕ່ຽນຢາງ (ພາບ: TTXVN)

      ທ່ານ ຫງວຽນວັນແຢງ, ເລຂາຄະນະພັກແຂວງ, ປະທານສະພາປະຊາຊົນແຂວງ ຕ່ຽນຢາງ ເປັນເຈົ້າພາບການຕ້ອນຮັບ ແລະ ເຮັດວຽກກັບ ຄະນະ. ທີ່ການຕ້ອນຮັບ, ທ່ານ  ສອນໄຊ ສີພັນດອນ ຮອງນາຍົກລັດຖະມົນຕີ ຕີລາຄາສູງບັນດາຜົນງານໃນການພັດທະນາເສດຖະກິດ, ວັດທະນະທຳ - ສັງຄົມ ເຊິ່ງແຂວງ ຕ່ຽນຢາງ ບັນລຸໄດ້ໃນໄລຍະຜ່ານມາ. ທ່ານ ຮອງນາຍົກລັດຖະມົນຕີ ລາວ ເອົາໃຈໃສ່ເຖິງຄວາມສາມາດບົ່ມຊ້ອນຮ່ວມມືຂອງແຂວງ ຕ່ຽນຢາງ ກັບ ບັນດາທ້ອງຖິ່ນຂອງ ລາວ, ພິເສດແມ່ນໃນຂົງເຂດກະສິກຳ, ການພັດທະນາທ່ອງທ່ຽວຊີວະພາບ ແລະ ບັນດາບັນຫາກ່ຽວຂ້ອງ. ທ່ານ ຮອງນາຍົກລັດຖະມົນຕີ ລາວ ປາດຖະໜາວ່າ ບັນດາຄວາມສາມາດບົ່ມຊ້ອນນີ້ຂອງ ຕ່ຽນຢາງ ຈະສືບຕໍ່ໄດ້ຮັບການເສີມຂະຫຍາຍ, ຂຸດຄົ້ນຢ່າງດີໃນອານາຄົດ.
        ກໍ່ໃນໂອກາດການຢ້ຽມຢາມຢູ່ແຂວງ ຕ່ຽນຢາງ, ທ່ານ ຮອງນາຍົກລັດຖະມົນຕີ ສອນໄຊ ສີພັນດອນ ໄດ້ມາຢ້ຽມຢາມສະຖາບັນຕົ້ນໄມ້ໃຫ້ໝາກພາກໃຕ້ ແລະ ສູນລ້ຽງປູກສະໝູນໄພທະຫານພາກ 9 ທີ່ຕັ້ງທັບໃນບໍວິເວນແຂວງ.

(ແຫຼ່ງຄັດຈາກ VOV)