(ພາບ: TTXVN)
ຢູ່ທີ່ນີ້, ທ່ານນາງຮອງປະທານປະເທດ ຫວໍທິແອັງຊວັນ ຮຽກຮ້ອງໃຫ້ການນຳທ້ອງຖິ່ນທຸກຂັ້ນເອົາໃຈໃສ່, ເບິ່ງແຍງດູແລຊີວິດການເປັນຢູ່ຂອງປະຊາຊົນໃຫ້ຫຼາຍກວ່າອີກ; ພ້ອມທັງເຊື່ອໝັ້ນຕໍ່ຄວາມສາມັກຄີ, ເຫັນດີເປັນເອກະພາບຂອງປະຊາຊົນບັນດາເຜົ່າໃນການສ້າງສາບ້ານເກີດເມືອງນອນ, ປົກປັກຮັກສາເຂດຊາຍແດນປະເທດຊາດ. ເນື່ອງໃນໂອກາດນີ້, ທ່ານນາງຮອງປະທານປະເທດ ຫວໍທິແອັງຊວັນ ໄດ້ມອບຈຳນວນເງິນ 200 ລ້ານດົງໃຫ້ແກ່ເດັກປະສົບກັບຄວາມຫຍຸ້ງຍາກຢູ່ແຂວງ ລາຍເຈົາ, ມອບເຮືອນແຫ່ງສາຍຈິດມິດໃຈ 10 ຫຼັງໃຫ້ເມືອງ ຟອງໂທ ແລະ ຂອງຂວັນຈຳນວນໜຶ່ງໃຫ້ບັນດາຄອບຄົວປະສົບກັບຄວາມຫຍຸ້ງຍາກ, ນະໂຍບາຍ ແລະ ນັກຮຽນ…
ຕໍ່ຈາກນັ້ນ, ໃນການໄປຢ້ຽມຢາມ ແລະ ເຮັດວຽກຢູ່ປ້ອມປ້ອງກັນຊາຍແດນ ຢ່າວຊານ, ເມືອງ ຟອງໂທ, ທ່ານນາງຮອງປະທານປະເທດ ໄດ້ຮັບຮູ້ໝາກຜົນເຊິ່ງທະຫານປ້ອງກັນຊາຍແດນແຂວງ ລາຍເຈົາບັນລຸໄດ້, ປົກປັກຮັກສາອະທິປະໄຕຄວາມໝັ້ນຄົງຢູ່ເຂດຊາຍແດນແຫ່ງຊາດ, ຮັກສາຄວາມໝັ້ນຄົງ ຄວາມເປັນລະບຽບຮຽບຮ້ອຍຢູ່ບໍລິເວນ ກໍ່ຄືປະສິດທິຜົນໃນວຽກງານປ້ອງກັນ, ຕ້ານໂລກລະບາດໂຄວິດ-19.
(ແຫຼ່ງຄັດຈາກ VOV)
