ກຳລັງປົກປ້ອງຝັ່ງທະເລ ຍີ່ປຸ່ນ (JCG) ໃຫ້ຮູ້ວ່າ: ກ່ຳປັ່ນລາດຕາເວນຂອງຈີນ 3 ລຳໄດ້ແລ່ນເຂົ້າເຂດນ່ານທະເລຂອງຍີ່ປຸ່ນ ໃນຕອນເຊົ້າວັນທີ 23 ມີນາ. ໜ່ວຍປົກປ້ອງຝັ່ງທະເລເລກທີ 11 ຂຶ້ນກັບ JCG ໄດ້ຊີ້ແຈ້ງວ່າ: ໃນເວລາ 10 ໂມງ 30 ນາທີຂອງວັນທີ 23 ມີນາ (ຕາມເວລາທ້ອງຖິ່ນ), ກ່ຳປັ່ນລາດຕາເວນຂອງ ຈີນ ມີໝາຍເລກ 2304, 2305 ແລະ 2501 ໄດ້ແລ່ນເຂົ້າເຂດນ່ານທະເລຂອງຍີ່ປຸ່ນ ຢູ່ເຂດເກາະ Uotsurishima ຂຶ້ນກັບເຂດໝູ່ເກາະທີ່ພວມຂັດແຍ້ງກັນເຊິ່ງໂຕກຽວ ເອີ້ນວ່າ Senkaku ໃນຂະນະທີ່ ປັກກິ່ງ ເອີ້ນວ່າ ຕຽວອີ. ປະຈຸບັນ, ບັນດາກ່ຳປັ່ນເຫຼົ່ານີ້ພວມສືບຕໍ່ໄປມາໃນເຂດນ່ານທະເລຂອງ ຍີ່ປຸ່ນ ຢູ່ໂດຍຢູ່ເຂດຫ່າງຈາກເກາະ Uotsurishima ໄປທາງທິດຕາເວັນຕົກສ່ຽງເໜືອປະມານ 20 ກມ.
(ແຫຼ່ງຄັດຈາກ VOV)
