ຂ່າວສານ

ໄຂເວທີປາໄສທະເລອາຊຽນ ຄັ້ງທີ 9 ຢູ່ ດ່ານັ້ງ

06/12/2019

ຕອນເຊົ້າວັນທີ 5 ທັນວາ, ຢູ່ນະຄອນດ່ານັ້ງ, ໄດ້ໄຂເວທີປາໄສທະເລອາຊຽນຄັ້ງທີ 9 (AFM-9) ໂດຍຫວຽດນາມເປັນເຈົ້າພາບ. ເຂົ້າຮ່ວມເຫດການນີ້ມີຜູ້ແທນ 50 ທ່ານມາຈາກ 10 ປະເທດ ສະມາຊິກ ອາຊຽນ ແລະ ຄະນະເລຂາອາຊຽນ.

ບັນດາຜູ້ແທນຖ່າຍຮູບລວມຢູ່ ເວທີປາໄສ (ພາບ: Daidoanket.vn)

ກ່າວຄຳເຫັນໄຂເວທີປາໄສ, ທ່ານ ຫວູໂຫ່, ຫົວໜ້າກົມ ອາຊຽນ, ກະຊວງການຕ່າງປະເທດ ຫວຽດນາມ, ຢັ້ງຢືນວ່າ ການຮ່ວມມື ແລະ ຄວາມໝັ້ນຄົງທາງທະເລຍາມໃດກໍ່ແມ່ນໜຶ່ງໃນບັນດາຂົງເຂດບຸລິມະສິດໃນການຮ່ວມມືພາຍໃນກຸ່ມອາຊຽນ ແລະ ລະຫວ່າງ ອາຊຽນກັບບັນດາຄູ່ຮ່ວມມື. ທ່ານ ຫວູໂຫ່ ໄດ້ສະເໜີໃຫ້ບັນດາປະເທດຕັ້ງໜ້າແລກປ່ຽນ, ສະເໜີບັນດາວິທີການແກ້ໄຂເພື່ອແນໃສ່ປັບປຸງ ແລະ ເສີມຂະຫຍາຍ ບົດບາດຂອງເວທີປາໄສ ທະເລ ອາຊຽນເປີດກ້ວາງໃນການຊຸກຍູ້ເຈລະຈາ, ສົມທົບກັນ ແລະ ຮ່ວມມືກັບບັນດາບັນຫາຢູ່ທະເລໃນພາກພື້ນ.

ມີຫຼາຍຫົວຂໍ້ໄດ້ແລກປ່ຽນຢູ່ ເວທີປາໄສ ທະເລ ອາຊຽນ, ລວມມີການຮັບປະກັນສັນຕິພາບ, ຄວາມໝັ້ນຄົງ, ຄວາມປອດໄພໃນການເດີນເຮືອ, ປະຕິບັດ ສົນທິສັນຍາຂອງ ສປຊກ່ຽວກັບກົດໝາຍວ່າດ້ວຍທະເລ (UNCLOS) 1982, ຊອກຫາກູ້ໄພ, ເພີ່ມທະວີການເຊື່ອມຈອດ, ປົກປັກຮັກສາສິ່ງແວດລ້ອມທາງທະເລ ແລະ ຊຸກຍູ້ການທ່ອງທ່ຽວທາງທະເລ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.